අධි ඇසළ පුර පසළොස්වක පොහෝ දිනය අදට (03) යෙදී තිබේ.
මෙම වර්ෂය අධික අවුරුද්දක් වන බැවින් ඇසළ පොහොය ලබන මස 01 වන දිනට යෙදී ඇති අතර අද දිනයේ අධි ඇසළ පොහොය ලෙස සැළකේ.
බෝසතාණන් වහන්සේ මහමායා දේවියගේ කුස පිළිසිඳ ගැනීම සිදුවුයේ ඇසළ පුර පසළොස්වක පොහො දිනක බව බෞද්ධ ඉතිහාසයේ සඳහන් වේ.
සිදුහත් කුමරු සතර පෙර නිමිති දැක ගිහිගෙය කලකිරි මහා අභිනිෂ්ක්රමණය කළේ ද ඇසළ පුන් පොහෝ දිනකය.
බුදුරාජාණන් වහන්සේගේ සිය මංගල ධර්ම දේශනය මෙන්ම සංඝ ශාසනයේ ආරම්භය සිදුවුයේ ද ඇසළ පොහෝ දිනක බව ශාසන ඉතිහාසයේ සඳහන් වේ.
අදට යෙදී ඇති අධි ඇසළ පුර පසළොස්වක පොහොය දිනය සම්බන්ධයෙන් පැහැදිලි කරන රාජකීය පණ්ඩිත ශාස්ත්රපති පුජ්ය දොඩංපහළ රාහුල හිමි,
“අද දිනයේ යෙදෙන උතුම් පුරපසළොස්වක පොහොය අපි නම් කරන්නේ අධි ඇසළ පුරපසළොස්වක පොහොය ලෙසයි. විශේෂයෙන්ම භික්ෂූන් වහන්සේගේ වස් සමය ආරම්භ කරන පොහොය ලෙස මෙය ගැනෙන්නේ නෑ. ඒ සඳහා ගනු ලබන්නේ අගෝස්තු 1 වනදා යෙදෙන පුරපසළොස්වක පොහොය. නමුත් ඔබ සැමට පුළුවන්කම තියෙනවා මේ පුරපසළොස්වක පොහොය දිනයේ දී තමන්ගේ දාන, සීල, භාවනා ප්රතිපදා වර්ධනය කරගන්නා අතර තුර මේ උතුම් කටයුතු වැඩිපුර සිහිකළ හැකියි.”