ආකර්ෂණීය පොලියක් දෙන බව පවසා රුපියල් එක් කෝටි දාහත් ලක්ෂයක මුදලක් වංචා කළ කැස්බෑව නගර සභාවේ හිටපු නාගරික මන්ත්රීවරියක් අත්අඩංගුවට ගත් බව පිළියන්දල පොලීසිය පවසයි.
සැකකාරියගේ වංචාවන්ට හසුවූ බහුතරයක් කාන්තාවන් බව සඳහන් වෙයි.
ඉකුත් වසරේ මාර්තු මස සිට මෙම වංචාව සිදුකර ඇති බව ලද පැමිණිලිවල දැක්වෙයි.
මේ වන විට ඇයට එරෙහිව පිළියන්දල පොලිසියට පැමිණිලි 11ක් ලැබී ඇතැයි පොලිස් නිලධාරික් පැවසීය.
විවිධ ව්යාපෘතිවලට මුදල් යොදවන බව සහ විවිධ මන්ත්රීවරුන්ගේ නම් පාවිච්චි කර රුපියල් ලක්ෂ 3 සිට 25 දක්වා මුදල් විවිධ අයගෙන් මෙම සැකකාරිය වංචාකාරී ලෙස ලබාගෙන ඇති බවට පොලීසියට කරන ලද පැමිණිලිවල සඳහන් වෙයි.
වංචාකළ මුදල් ඉල්ලා සිටීමේදී මුදල් නොදෙන බවට තර්ජනය කරන බවට ද පැමිණිලිකරුවන් පොලීසිය හමුවේ ප්රකාශකර ඇත.
අත්අඩංගුවට ගත් සැකකාරිය පිළියන්දල මකුළුදූව ප්රදේශයේ පදිංචි අවුරුදු පනස් හතරක තැනැත්තියකි.
සැකකාරිය කැස්බෑව මහෙස්ත්රාත් අධිකරණය වෙත ඉදිරිපත් කිරීමට නියමිතය.