බලශක්ති සම්ප්රේෂණ සම්බන්ධතාවයක් ආරම්භ කිරීමේ ව්යාපෘතියක් සඳහා අවබෝධතා ගිවිසුමකට ශ්රී ලංකාව සහ ඉන්දියාව එළඹෙන මාස දෙක තුළ අත්සන් තබනු ඇතැයි ඉන්දියාවේ ශ්රී ලංකා මහ කොමසාරිස් මිලින්ද මොරොගොඩ මහතා ප්රකාශ කළ බව රොයිටර් පුවත් සේවය වාර්තා කර ඇත.
එසේම ශ්රී ලංකාව සහ ඉන්දියාව වෙළඳ ගිවිසුමක් පුළුල් කිරීම සඳහාද එළඹෙන මාස දෙකක කාලය තුළ සාකච්ඡා ආරම්භ කිරීමට නියමිත බව රොයිටර් පුවත් සේවය පෙන්වා දී තිබේ.ශ්රී ලංකාවේ ආර්ථිකය ගොඩගැනීමේ සැලැස්ම ප්රධාන කොටසක් උතුරේ තිබෙන පුනර්ජනනීය බලශක්ති ප්රභවයන් වර්ධනය කිරීම තුළ රඳා පවතින බවත් එහිදී ශ්රී ලංකාවේ සිට ඉන්දියාව අතර බලශක්ති සම්ප්රේෂණ සම්බන්ධතාවයක් පිහිටුවීම මගින් පුනර්ජනනීය බලශක්ති ප්රභවයන්ගෙන් උත්පාදනය කරනු ලබන විදුලිය ඉන්දියාව වෙත රැගෙන යා හැකි බවත් මිලින්ද මොරොගොඩ මහතා ප්රකාශ කර ඇත.
ශ්රී ලංකාව සහ ඉන්දියාව අතර බලශක්ති සම්ප්රේෂණ සම්බන්ධතාවයක් ආරම්භ කිරීමේ ව්යාපෘතියක් පිළිබඳ යෝජනාව මීට වසර 10 කට පමණ පෙර ඉදිරිපත් විය.පසුගිය වසරේ ඒ පිළිබඳ සාකච්ඡා ශ්රී ලංකාව සහ ඉන්දියාව නැවත ආරම්භ කරන ලදි.
වසර දෙකක හෝ තුනක කාලයක් තුළ ශ්රී ලංකාව සහ ඉන්දියාව අතර බලශක්ති සම්ප්රේෂණ සම්බන්ධතාවයක් පිහිටුවීමට හැකි වුවහොත් ශ්රී ලංකාවේ පුනර්ජනනීය බලශක්ති ප්රභවයන් මගින් උත්පාදනය කරනු ලබන විදුලිය ඉන්දියාවට අලෙවි කළ හැකි බව මොරොගොඩ මහතා පෙන්වා දී තිබේ.