පොලිස් ස්ථානාධිපතිවරුන් 260 දෙනකුට ස්ථාන මාරුවීම් ලබා දීමේ දී මෙතෙක් ස්ථානාධිපති ධුර දැරූ නිලධාරීන් 30 දෙනකුට එම තනතුරු අහිමි කර ඇති බව පොලිස් මුලස්ථාන ආරංචි මාර්ග පවසයි.
මෙම පිරිස අතර මූලස්ථාන පොලිස් පරීක්ෂකවරුන් හා ප්රධාන පොලිස් පරීක්ෂකවරුන්, පොලිස් පරීක්ෂකවරුන් සිටින බවත්,ඔවුන් දැරු ධුර වලින් ඉවත්තර සාමාන්ය රාජකාරි සදහා අනුයුක්ත කර ඇති බවද පොලිස් ආරංචි මාර්ග පවසයි.
පානදුර, ජාඇල, නවගමුව, ග්රෑන්ඩ්පාස්, අලුත්ගම, දුම්මලසූරිය, ආණමඩුව, කොස්ගොඩ, කඹුක්ගැටේ, පොතුපිටිය, රංගල, පල්ලෙවෙල, රාජාංගනය, ඊච්චලන්පත්තුව ඌරුබොක්ක, ඇලපාත, කවරක්කුලම, මහකුඹුක්කඩවල, ගලපිටමඩ, වාකරේ, කනංකේ, හිනිදුම, නෙ`ථව, ඕපාත, ඉගුරුවත්ත , ගිරානේගම,මධුරාගොඩ,මීටියාගොඩ, අඹන්පොළ, ආගරපතන යන පොලිස් ස්ථානවල රාජකාරි කළ පොලිස් ස්ථානාධිපතිවරුන්ට මෙලෙස තනතුරු අහිමි වී ඇති බවද පොලිස් ආරංචි මාර්ග පවසයි.
පසුගියදා පානදුර නගරයේ දී විරෝධතාවක් අතරතුර කාන්තා පොලිස් කොස්තාපල්වරියන් දෙදෙනකු බෙල්ලෙන් අල්ලා තල්ලුකර හිංසනය කිරීමේ සිද්ධිය සම්බන්ධයෙන් චෝදනා එල්ල ව සිටින පානදුර මුලස්ථානය පොලිස් පරීක්ෂකවරයා ද තණතුර අහිමි වීම විශේෂ සිද්ධියක් විය.
ඔහු සාමාන්ය රාජකාරි සදහා ගම්පහ කොට්ඨාසයට අනුයුක්ත කර ඇත.
මෙම ස්ථාන මාරුවීම් සම්බන්ධ පොලිස් පණිවිඩය නියෝජ්ය පොලිස්පති මානව සම්පත් කළමනාකරණ හා ජාත්යන්තර සබඳතා දිසාව එම්.එන්.සිසිර කුමාර මහතා ගේ අත්සනින් ඉකුත් 23 දින නිකුත් කර තිබුණ.
සේවා අවශ්යතා මත මෙම ස්ථානමාරුවීම් සිදුකළ බව එම නිවේදනයේ සදහන් වේ.