අධික ශීත කාලගුණික තත්ත්වය හේතුවෙන් උතුරු නැගෙනහිර පළාත්වල මියගිය සත්වයින් සංඛ්යාව තවදුරටත් ඉහළගොස් තිබේ.
කෘෂිකර්ම අමාත්යාංශයේ පශු සම්පත් අංශය විසින් නිකුත්කර ඇති නිවේදනයක දැක්වෙන්නේ අද පස්වරු 12 වනවිට උතුරු නැගෙනහිර පළාත් ආශ්රිතව මියගිය සත්වයින් සංඛ්යාව 1660ක් දක්වා ඉහළගොස් ඇති බවය.
උතුරු පළාතේ මියගොස් ඇති සත්වයින් අතර එළ ගවයින් සහ මී ගවයින් 691ක් සහ එළුවන් 296ක් සිටින බව සඳහන් වෙයි.
මේ අතර උතුරු පළාත තුළ තවදුරටත් රෝගී වී සිටින සත්වන් ප්රමාණය 329ක් බවත් ඒ අතර ගවයින් 182ක් හා එළුවන් 147ක් සිටින බවත් එම නිවේදනයේ දැක්වෙයි.
මේ අතර මේ දක්වා නැගෙනහිර පළාතේ මරණයට පත්ව ඇති එළගවයින් සංඛ්යාව 511ක් වන අතර එම පළාත තුළ මී ගවයින් 44ක් හා එළුවන් 108ක් ද මරණයට පත්ව ඇත.
එමෙන්ම නැගෙනහිර පළාත තුළ තවදුරටත් මී ගවයෙකු සහ එළ ගවයින් 15 දෙනෙකු රෝගීව පසුවන බව කෘෂිකර්ම අමාත්යාංශයේ පශු සම්පත් අංශය විසින් නිකුත්කර ඇති නිවේදනයේ වැඩිදුරත් වාර්තා කර තිබේ.
මෙම සත්ව මරණ සම්බන්ධව පශ්චාත් මරණ පරීක්ෂණ පවත්වා තමන්ට වාර්තාවක් ලබා දෙන කෘෂිකර්ම අමාත්ය මහින්ද අමරවීර මහතා අමාත්යාංශයේ ලේකම්වරයාට උපදෙස් දී ඇත.