පේරාදෙණිය විශ්වවිද්යාලයේ හිටපු උපකුලපති භූ විද්යා ජ්යෙෂ්ඨ මහාචාර්ය අතුල සේනාරත්න මහතාට පහරදීමේ සිද්ධියට සම්බන්ධ විශ්වවිද්යාල සිසුන් 10 දෙනෙකු පමණ මේ වන විට හඳුනාගෙන ඇති බවට වාර්තා වේ.
පෙරේදා රාත්රී මහාචාර්යවරයාගේ නිල නිවස ආසන්නයේදී ඔහුගේ පුත්රයාගේ මෝටර් රථය, නවතා තිබූ යතුරුපැදියක ගැටී ඇති බව පවසා විශ්වවිද්යාල සිසුන් කිහිපදෙනෙකු සමග බහින් බස්වීමක් සිදුවී ගැටුමක් හටගෙන තිබුණි.
අදාළ පහරදීම සම්බන්ධයෙන් සිදුකළ පොලිස් පරික්ෂණවලදී මහාචාර්යවරයාගේ නිවසේ CCTV දර්ශන උපයෝගී කර ගනිමින් එහි දේපළවලට හානි සිදුකරන විශ්වවිද්යාල ශිෂ්යයෙකු නිශ්චිතව හඳුනාගෙන ඇති බව වාර්තා වේ.
ඒ අනුව සිද්ධියට අදාළව මේ වන විට හඳුනාගෙන විශ්වවිද්යාල සිසුන් අත්අඩංගුවට ගැනීමට අවශ්ය පියවර ගනිමින් සිටින බව සඳහන්ය.
එමෙන්ම මෙම සිදුවීම සම්බන්ධයෙන් විශ්වවිද්යාල මට්ටමෙන් ආරම්භ කර ඇති අභ්යන්තර පරීක්ෂණයට අදාළව පහරදීම සම්බන්ධයෙන් අත්අඩංගුවට ගන්නා විශ්වවිද්යාල සිසුන්ට තාවකාලික පංති තහනමක් පැනවීමට විශ්වවිද්යාල පාලනාධිකාරිය තීරණය කර තිබේ.
මාධ්ය කළ විමසීමක දී මේ සම්බන්ධයෙන් වැඩිදුරටත් අදහස් දැක්වු පේරාදෙණිය විශ්වවිද්යාලයේ නියෝජ්ය උපකුලපති මහාචාර්ය ටෙරන්ස් මධුජිත් මහතා,
“පහරදීම සම්බන්ධයෙන් මේ වනවිට විමර්ශන ක්රියාත්මක වෙනවා පේරාදෙණිය පොලීසිය සමග. මෙහිදී හඳුනාගන්න සිසුන් අභ්යන්තර පරීක්ෂණයකින් ඒ අයගේ විනය පරීක්ෂණයක් පවත්වා ඒ අයට අවශ්ය දඬුවම් දීමට කටයුතු කරනවා. මීට අමතරව මහාචාර්යතුමා හා එතුමාගේ පුත්රයා මේ වනවිට පැමිණිලි සටහන් කරලා තියෙනවා. ඒ අනුව පොලීසිය විමර්ශන සිදුකරනවා. ඒ සඳහා අවශ්ය උපරිම සයෝගය පේරාදෙණිය විශ්වවිද්යාලයෙන් ලබාදීමට කටයුතු කරනවා.”