පොලිස් විශේෂ කාර්ය බළකායේ නිලධාරීන් බව පවසා බම්බලපිටිය ඩුප්ලිකේෂන් පාරේ දී මෝටර් රථයක් නවතා රුපියල් ලක්ෂ 27ක මුදලක් කොල්ලකෑම සම්බන්ධයෙන් පුද්ගලයෙක් අත්අඩංගුවට ගෙන තිබේ.
ඊයේ (07) දහවල් සිදුව ඇති අතර, සැකකරු සමග යතුරුපැදිය ද පොලිස් භාරයට ගෙන ඇත.
මෝටර් රථය නවතා යතුරු පැදියකින් පැමිණි පුද්ගලයින් දෙදෙනෙකු විසින් පොලිස් විශේෂ කාර්ය බළකා නිලධාරින් බව පවසා පරීක්ෂා කිරීමට උත්සාහ කළ අවස්ථාවේ දී මෝටර් රථය තුළ සිටි පුද්ගලයෙකු හා එක්ව මෝටර් රථයේ හිමිකරු සන්තකයේ තිබූ රුපියල් ලක්ෂ 27ක් කොල්ලකා පළා ගොස් ඇත.
එක් පුද්ගලයෙක් යතුරු පැදියකින් පළා යමින් සිටිය දී මෝටර් රථ හිමිකරු හා තවත් පුද්ගලයෙකු විසින් පළායමින් සිටි පුද්ගලයා ෆොන්සේකා පාර ප්රදේශයේ දී යතුරුපැදිය සමග අල්ලාගෙන බම්බලපිටිය පොලිස් ස්ථානය වෙත භාරදී තිබේ.
අත්අඩංගුවට ගත් සැකකරු වයස අවුරුදු 41ක් වන කොළඹ ප්රදේශයේ පදිංචිකරුවෙකි.
සැකකරු අද අලුත්කඩේ මහෙස්ත්රාත් අධිකරණය වෙත ඉදිරිපත් කිරීමට නියමිතය.
බම්බලපිටිය පොලීසිය වැඩිදුර විමර්ශන සිදුකරයි.