කැලණිය , ගල්බොරැල්ල වරාගොඩ පාරේ පිහිටි ගොඩනැගිල්ලක අද (05) උදෑසන 6.30ට පමණ ගින්නක් ඇතිව තිබේ.
පෞද්ගලික ආයතනයක ගබඩාවක් ලෙස මෙම ගොඩනැගිල්ල භාවිත කරන අතර එහි උඩුමහළ තුළ ගින්න හටගෙන තිබුණි.
ගින්නෙන් එම මහළ සම්පූර්ණයෙන්ම විනාශ වී ඇති බවක් පෙනෙන්නට තිබූ අතර කොළඹ නගර සභාවට අයත් ගිනි නිවන රථ 6ක් පැමිණ ගින්න පාලනය කිරීමට උත්සාහ ගනිමින් සිටී.
ප්‍රදේශයේ විදුලිබලය ද මේ වනවිට විසන්ධි කර ඇතැයි වාර්තා වේ.
ගින්නට හේතුව මෙතෙක් අනාවරණ වී නොමැති අතර, කැලණිය පොලීසිය වැඩිදුර විමර්ශන සිදුකරයි.