අග්රාමාත්ය හරිනි අමරසූරියගේ නම, ඡායාරූප සහ වීඩියෝ දර්ශන යොදාගෙන නිර්මාණය කරන ලද ව්යාජ පුවත්වලට නොරැවටෙන ලෙස අග්රාමාත්ය කාර්යාලය නිවේදනය කරයි.
එලෙස ව්යාජ ලෙස නිර්මාණය කරන ලද පුවත් සමාජ මාධ්ය ඔස්සේ සංසරණය වෙමින් ඇති බවට අනාවරණය වී ඇති බව ද අදාළ නිවේදනයේ දැක්වේ.
අග්රාමාත්යවරිය විසින් අදහස් දක්වන පරිදි සකස් කරන ලද ව්යාජ වීඩියෝ දර්ශන, අග්රාමාත්යවරියගේ ඡායාරූපය ඇතුළත් කර සකස් කරන ලද ව්යාජ පෝස්ට් සමාජ මාධ්ය ඔසසේ කිසියම් පිරිසක් විසින් පළ කර ඇති අතර ඒ මඟින් විවිධ ව්යවසායක අවස්ථා, රැකියා අවස්ථා මෙන්ම රටේ ආර්ථිකය සහ බදු ප්රතිපත්ති සම්බන්ධ ව්යාජ පුවත් නිර්මාණය කර ඇති බව අදාළ නිවේදනයේ තවදුරටත් සඳහන්ය.
කෘත්රීම බුද්ධිය (AI) සහ නවීන තාක්ෂණික මෙවලම් භාවිත කරමින් මෙවැනි අසත්ය පුවත් නිර්මාණය කර ඇති අතර එවැනි පුවත්වලට නොරැවටෙන ලෙසත්, ඒ පිළිබඳ අවධානයෙන් සිටින ලෙසත් සියලු ජනතාවගෙන් ඉල්ලා සිටින බව අග්රාමාත්ය කාර්යාලය නිවේදනය කරයි.
රජයට සහ අග්රාමාත්යවරියගේ පෞද්ගලිකත්වයට හානිවන පරිදි මෙවැනි අසත්ය පුවත් නිර්මාණය කිරීම සහ සමාජ මාධ්ය ඔස්සේ බෙදා හැරීම නීතිමය වශයෙන් දඩුවම් ලැබිය හැකි වරදක් බවද අදාළ නිවේදනයේ තවදුරටත් සඳහන්ය.