ශ්රී සම්බුදු තෙමගුල සිහි කරමින් පැවැත්වෙන වෙසක් උත්සවයට සමගාමීව අද (27) සිට ජුනි 02 දක්වා වෙසක් සතියක් ප්රකාශයට පත්කර තිබේ.
සමස්ත ලංකා ශාසනාරක්ෂක බලමණ්ඩලයේ මඟ පෙන්වීම අනුව බුද්ධ ශාසන, ආගමික සහ සංස්කෘතික කටයුතු අමාත්යාංශය හා බෞද්ධ කටයුතු දෙපාර්තමේන්තුව, දිස්ත්රික් ලේකම් කාර්යාල හා ප්රදේශීය ලේකම් කාර්යාල ඇතුළු රාජ්ය හා රාජ්ය නොවන ආයතනවල සහය ඇතිව වෙසක් උත්සවය දිවයින පුරා පැවැත්වීමට පියවර ගෙන ඇති බව සඳහන්ය.
ඒ අනුව මෙවර රාජ්ය වෙසක් උත්සවය මාතර තිහගොඩ මිදෙල්ලවල විහාරස්ථානයේදී අද ජනාධිපති අනුර කුමාර දිසානායක මහතගේ ප්රධානත්වයෙන් පැවැත්වීමට නියමිතය.
මේ අතර රට පුරා වෙසක් උත්සව සංවිධානය කිරීමේදී අනුගමනය කළ යුතු මාර්ගෝපදේශ සම්බන්ධයෙන් ආචාර්ය හිනිදුම සුනිල් සෙනෙවි මහතා මෙලෙස පැහැදිලි කළේය.
“වෙසක් සැමරුම් සංවිධානය කරපු අයගෙන් අපි ඉල්ලන්නේ, මේ පිළිබඳව මඟපෙන්වීම් ඇතුළත් චක්රලේඛයේ තියෙනවා කළ යුතු දේ මොනවාද කියලා. පසුගිය වාරවල හොල්මන් මන්දිර, ඔළුබක්කන් නැටවීම ආදිය එකතු වෙලා තිබුණා. අනෙක් කාරණය පොලිතීන් සහ ප්ලාස්ටික් භාවිතය අවම කිරීම හෝ නැතිම කරන ලෙස මඟ පෙන්වීමක් කරලා තියෙනවා. පොලීසියට මේ ගැන උපදෙස් සපයලා තියෙනවා කළ යුතු හා නොකළ යුතු දේ ගැන…”