වව්නතිව් පොලිස් වසමේ පාචක්කොඩිචේන ප්රදේශයේ නිවසක් ආසන්නයේ ඊයේ (25) දින උදෑසන පුද්ගලයෙකු පහරදීමක් හේතුවෙන් මියගොස් ඇති බවට ලද පණිවිඩයක් මත වව්නතිව් පොලිසිය විමර්ශන ආරම්භ කර ඇත.
මියගිය පුද්ගලයා හා බිරිඳ පාචක්කොඩිචේන ප්රදේශයේ පිහිටි නිවසේ වාසය කර ඇති බවත්, බිරිඳ 24 වන දින සවස දියණියගේ නිවසට ගොස් නැවත උදෑසන නිවසට පැමිණීමේදී සැමියා ඝාතනය කර ඇති බවට දැක තිබේ .
පසුව මේ පිලිබදව වව්නතිව් පොලිසියට පැමිනිලි කිරිමෙන් පසුව වව්නතිව් පොලිසිය පරීක්ෂණ ආරම්භ කර තිබේ.
ඝාතනයට හේතුව හෝ සැකකරුවන් මෙතෙක් අනාවරණය වී නොමැත.
මරණකරු අවුරුදු 63 ක් වූ නෙරියමඩු ප්රදේශයේ පදිංචිකරුවෙකි.
නැගෙනහිර දිසාව භාර ජ්යෙෂ්ඨ නියෝජ්ය පොලිස්පති නීතිඥ වරුණ ජයසුන්දර මහතාගේ නියෝග මත මඩකලපුව කොට්ඨාශ භාර ජ්යෙෂ්ඨ පොලිස් අධිකාරි ලලිත් ලීලාරත්න මහතා ගේ මෙහය විමෙන් වව්නතිව් පොලිස් ස්ථානාධිපති ප්රධාන පොලිස් පරීක්ෂක ප්රියන්ත ද සිල්වා මහතා ඇතුලු නිලධාරීන් වැඩිදුර පරීක්ෂණ පවත්වයි.