TVK පක්ෂයේ නායක තලපති විජේ අද (07) තමිල්නාඩු මහ ඇමති ධුරයේ දිවුරුම් දීමට සැලසුම් කර තිබුණද එය අද සිදු කිරීමට නොහැකි වී ඇති බව ඉන්දීය ප්රවෘත්ති නාලිකා වාර්තා කරනවා.
ඒ, තමිල්නාඩුවේ බලය පිහිටුවීමට අවශ්ය 118ක බහුතර ආසන සංඛ්යාව විජේගේ පක්ෂයට මෙතෙක් සම්පූර්ණ කර ගැනීමට නොහැකි වීම හේතුවෙන්.
විජේ ඇතුළු පක්ෂයේ නියෝජිතයින් මේ වන විට තමිල්නාඩු ආණ්ඩුකාර රාජේන්ද්ර විශ්වනාත් හමුවී ඇති අතර, එහිදී ඔහු ප්රකාශ කර ඇත්තේ දිවුරුම් දීමට අවශ්ය නම් අදාළ 118ක බහුතරය පෙන්වන ලෙසටයි.
මේ අතර, තමිල්නාඩුවේ ආණ්ඩුව පිහිටුවීම සඳහා තලපති විජේගේ නායකත්වයෙන් යුත් TVK පක්ෂය වෙත සිය පූර්ණ සහයෝගය ලබා දීමට ඉන්දීය ජාතික කොංග්රස් පක්ෂය තීරණය කර තිබෙනවා.
කොංග්රස් පක්ෂයට තමිල්නාඩු ප්රාන්ත මැතිවරණයෙන් හිමි වූ ආසන සංඛ්යාව 5ක්.
ඒ අනුව ආසන 118 සම්පූර්ණ කරගෙන තමිල්නාඩු මහ ඇමති ධූරයේ දිවුරුම් දීමට තලපති විජේගේ පාර්ශවයට තවත් ආසන 5ක් අවශ්යයි.