රටම එකට ජාතික මෙහෙයුම යටතේ සිදුකරන දෛනික සෝදිසි මෙහෙයුම්වලට අදාළව ඊයේ (23) දිනයේදී පුද්ගලයින් 819ක් පොලීසිය විසින් අත්අඩංගුවට ගෙන තිබේ.
දිවයින පුරා මත්ද්රව්ය සැපයුම අඩාල කිරීම, මත්ද්රව්යවලට ඇති ඉල්ලුම අවම කිරීම, මෙහෙයුම් පුළුල් කිරීම, ඇබ්බැහිවූවන් පුනරුප්තාපනය කිරීම, මත්ද්රව්ය දුර්භාවිතය වැළැක්වීම, අරමුණු කරගත් නිවාරණ වැඩසටහන් ක්රියාත්මක කිරීම, මත්ද්රව්යවලට එරෙහිව ප්රජාව බල ගැන්වීම යන බහුවිධ ප්රවේශයන් මෙම මෙහෙයුමේ අරමුණ වේ.
ඊයේ දිනයේදී සිදුකරන ලද මෙම මෙහෙයුම් මගින් සිදුකරනු ලැබූ වැටලීම් 304කින් හෙරොයින් ග්රෑම් 367ක් අයිස් කිලෝ 2 ග්රෑම් 97ක් සහ ගංජා කිලෝ 32 ග්රෑම් 804ක් ඇතුළු මත්ද්රව්ය තොගයක් පොලිස් භාරයට ගෙන තිබේ.
මේ අතර පසුගිය වසරේ ඔක්තෝබර් 30 වැනිදා සිට ඊයේ (22) දිනය දක්වා රටම එකට දෛනික මෙහෙයුම් මගින් අත්අඩංගුවට ගෙන ඇති සමස්ත පුද්ගලයින් සංඛ්යාව 77,105ක් බව පොලීසිය පවසයි.
එහිදී නීති විරෝධී වත්කම් සම්බන්ධව පුද්ගලයින් 68කට එරෙහිව විමර්ශන ආරම්භ කර ඇති අතර සැකකරුවන් 1,582කට එරෙහිව රැඳවුම් නියෝග ලබා ගැනීමටත් පොලීසිය කටයුතු කර තිබේ.
පොලීසිය පැවසුවේ එම කාලය තුළ සිදුකර ඇති සමස්ත වැටලීම් ප්රමාණය 77,824ක් බවය.
එමෙන්ම මෙම කාලය තුළ සිදුකරනු ලැබූ මෙම මෙහෙයුම් මගින් හෙරොයින් ග්රෑම් 320 ග්රෑම් 741ක් පොලිස් භාරයට ගෙන තිබේ.
තවද අයිස් කිලෝ 1,280 ග්රෑම් 956ක්ද, කොකේන් කිලෝ 6 ග්රෑම් 816ක්, ගංජා කිලෝ 2,341 ග්රෑම් 723ක්ද ගංජා පැල 5,568,583ක්, කුෂ් කිලෝ 155 ග්රෑම් 487ක්, හෂීස් කිලෝ 44 ග්රෑම් 047ක්, මත්පෙති 132,561ක් ඇතුළු මත්ද්රව්ය රැසක් පොලිස් භාරයට ගැනීමටද කටයුතු කර තිබේ.