ප්රදේශ කිහිපයක සිදුවූ රිය අනතුරු කිහිපයකින් 03 හැවිරිදි දරුවෙකු සහ තරුණයින් දෙදෙනෙකු ජීවිතක්ෂයට පත්ව තිබේ.
ඊයේ (30) මෙම අනතුරු සිදුව තිබුණේ කාත්තන්කුඩි, පුනරින් සහ මාන්කුලම් යන පොලිස් වසම්වලින්ය.
කාත්තන්කුඩි පොලිස් වසමේ මඩකලපුව කල්මුණේ මාර්ගයේ සිට අරියම්පති කාලි කෝවිල් අතුරු මාර්ගයේ ධාවනය වූ බස් රථයක් පසු පසට ධාවනය කිරීමේදී කුඩා දරුවෙකුගේ ගැටී අනතුරක් සිදුව ඇත.
අනතුරින් බරපතළ තුවාල ලබාසිටි දරුවා අරියම්පති රෝහලට ඇතුළත් කිරීමේදී මියගොස් තිබේ.
එලෙස මියගොස් ඇත්තේ, ආරියම්පති 01 ප්රදේශයේ පදිංචිව සිටි 03 හැවිරිදි කුඩා දරුවෙකි.
මේ අතර පුනරින් පොලිස් වසමේ යාපනය මන්නාරම මාර්ගයේ අත්තායි හන්දිය අසලදී වෑන් රථයක් ප්රතිවිරුද්ධ දෙසින් පැමිණි යතුරුපැදියක ගැටී සිදුවූ අනතුරකින් තරුණයෙකු ජීවිතක්ෂයට පත්ව තිබේ.
අනතුරින් යතුරුපැදිකරු හා වෑන් රථ රියදුරු තුවාල ලබා පුනරින් රෝහලට ඇතුලත් කර යතුරුපැදිකරු වැඩිදුර ප්රථිකාර සඳහා කොළඹ ජාතික රෝහල වෙත රැගෙන යන අවස්ථාවේදී තුවාලකරුට ඇතිවූ අපහසුතා හේතුවෙන් මාරවිල රෝහලට ඇතුළත් කිරීමෙන් පසු මියගොස් ඇත.
එලෙස මියගොස් ඇත්තේ, මිරිසුවෙල් ප්රදේශයේ පදිංචිව සිටි 27 හැවිරිදි තරුණයෙකි.
මේ අතර මාන්කුලම් පොලිස් වසමේ මහනුවර යාපනය මාර්ගයේ කිලෝමීටර් 245 කණුව ආසන්නයේදී ලොරි රථයක අතුරු මාර්ගයක සිට පැමිණි යතුරුපැදියක් ගැටී අනතුරක් සිදුව ඇත.
අනතුරින් යතුරුපැදිකරු, පසුපැදිකරුවන් දෙදෙනෙකු හා ලොරි රථයේ සහායක බරපතළ තුවාල ලබා කිලිනොච්චිය රෝහලට ඇතුළත් කිරීමේදී යතුරුපැදිකරු මියගොස් ඇති බව පොලීසිය පවසයි.
එලෙස මියගොස් ඇත්තේ, කිලිනොච්චිය ප්රදේශයේ පදිංචි 24 හැවිරිදි තරුණයෙකි.