වන සතුන්ගෙන් වගාවන්ට සිදුවන හානි වළක්වා ගැනීමට සහ වගාවන්ට හානි කරන සතුන් කළමනාකරණය සඳහා අවශ නිර්දේශ ලබ ගැනීමට විශේෂ කමිටුවක් පත්කර තිබේ.
කෘෂිකර්ම, පශු සම්පත්, ඉඩම් හා වාරිමාර්ග අමාත්ය කේ.ඩී. ලාල්කාන්ත මහතාගේ උපදෙස් පරිදි කෘෂිකර්ම, පශු සම්පත්,ඉඩම් හා වාරිමාර්ග අමාත්යාංශයේ ලේකම් ඩී. පී. වික්රමසිංහ මහතා විසින් මෙම කමිටුව පත් කර ඇත.
මෙම කමිටුවේ සභාපති ලෙස කෘෂිකර්ම, පශු සම්පත්,ඉඩම් හා වාරිමාර්ග අමාත්යාංශයේ අතිරේක ලේකම් (කෘෂි සංවර්ධන) ඩී.එස් රත්නසිංහ මහත්මිය පත්කළ අතර, තවත් සාමාජිකයින් 15 දෙනෙක් මේ සඳහා පත්කරන ඇත.
මෙම කමිටුව මඟින් මේ වනවිටත් වන සතුන්ගෙන් වගාවට සිදුවන හානි වළක්වා ගැනීම හා කෘෂි බෝග සඳහා හානි කරන සතුන් කලමනාකරණය පිළිබඳව අදහස් හා යෝජනා විද්වතුන්, පරිසර සංවිධාන, පරිසරවේදීන්, ගොවි මහතුන්, නව නිපැයුම්කරුවන් හා පුරවැසියන්ගෙන් ලබාගෙන ඒවා ඇගයීමට ලක්කරමින් ඇති බව එම අමාත්යාංශය පවසයි.
මෙම කෘෂි බෝග සඳහා හානි කරන වන සත්ව ගහනය පිළිබඳව නිරවද්ය දත්ත පද්ධතියක් මේ වනවිට නොමැති වීම නිසා තෝරාගත් වනසතුන් කිහිපයක් සඳහා සංගණනයක් සිදු කිරීමේ අවශ්යතාවය කමිටුව විසින් හඳුනා ගෙන තිබේ.
මෙම සංගණනය ලබන මාර්තු මස සිදු කිරීමට සැලසුම් කර ඇති අතර, මෙහි සාර්ථකත්වය මැන බැලීම සඳහා පූර්ව පරීක්ෂාවක් ඉංගිරිය ග්රාම නිලධාරී වසමක් තෝරාගෙන පසුගියදා පැවැත්විණි.
එසේම පසුගිය විසි හත්වන දින මෙම විෂයට අදාළ විශේෂඥයන් පිරිසකගේ අදහස් විමසීමක් අමාත්යවරයාගේ සහභාගිත්වයෙන් පැවැත් වූ අතර මෙහිදී අමාත්යවරයා ප්රකාශ කර සිටියේ වනජීවීන් කළමනාකරණයට අදාළ කිසිදු ආයතනයක් මේ වනවිට නොමැති බවත් වනජීවීන් කළමනාකරණය පිළිබඳව කතිකාවතක් සමාජය තුළ ගොඩනැගිය යුතු බවය.
නිසි කළමණාකාරීත්වයක් නොමැතිව වසර ගණනාවක් තිස්සේ වර්ධනය වූ මෙම ගැටලුව විසඳීම සඳහා අවශ්ය මැදිහත්වීම වර්තමාන රජය විසින් සිදු කරමින් මෙම කමිටුවේ නිර්දේශ අනුව ඉදිරියේදී කෙටිකාලීන සහ දිගුකාලීන ක්රියාමාර්ග ගැනීමට අපේක්ෂා කරන බව අමාත්යවරයා වැඩිදුරටත් මෙහිදී වැඩිදුරටත් අදහස් දක්වමින් පැවසීය.
එමෙන්ම මෙම කමිටුව විසින් ගනු ලබන සියලු නිර්දේශ මාර්තු මස අවසන් වීමට ප්රථම අමාත්යවරයා වෙත භාර දීමට නියමිතව ඇත.