මධ්‍යම කදවුර ප්‍රදේශයේ වයස අවුරුදු නවයක බාලවයස්කාර දැරියකට ලිංගික අතවරකර පලාගොස් සැඟව සිටින පෞද්ගලික පන්ති පවත්වන සංගීත ගුරුවරයෙකු අත්අඩංගුවට ගැනීම සදහා මධ්‍යම කඳවුර පොලිසිය විමර්ශන ආරම්භකර තිබේ.
දැරියට සහ ඇගේ සොහොයුරාට සංගීතය ඉගැන්වීම සදහා නිවසට පැමිණි ගුරුවරයා, මාස තුනකට පමණ පෙර සිට තෙවරක්ම දැරියට ඇයගේ නිවසේදී ලිංගික අතවරකර ඇති බවත්, ඇය මවට සිද්ධිය පැවසීමෙන් පසු මව ගුරුවරයාට අවවාදකර ඇති බවත් පොලිස් විමර්ශනයේ දී අනාවරණයවී ඇත.
ඉකුත් 20 වන දින මව සමඟ පොලිසියට පැමිණි දැරිය සිදුවීම පිලිබඳව පැමිණිලිකර ඇති අතර, වෛද්‍ය පරීක්ෂණයකට ලක්කිරීම සදහා පොලිසිය විසින් වින්දිත දැරිය අම්පාර මහ රෝහලට ඇතුළත්කර ඇත.
ගුරුවරයා අම්පාර නගරයට ආසන්නයේ පදිංචිකරුවකු බවට අනාවරණයවී ඇති අතර, මේ වනවිට ඔහු පලාගොස් ඇතිබව පොලිසියට තොරතුරු ලැබි ඇත.