10 වන ලෝක ජල සමුළුවේ ඉහළ පෙළේ සැසියට එක්වීම සඳහා ඉන්දුනීසියාව බලා පිටත්වූ ජනාධිපති රනිල් වික්‍රමසිංහ මහතා අද (20) එම සමුළුව ඇමතුවේය.
ගෝලීය බදු පැහැර හැරීම ආශ්‍රිත වත්කම්වල වාර්ෂික ලාභය අමෙරිකානු ඩොලර් ට්‍රිලියන 1.4ක් ලෙස ගණන් බලා ඇති බවත් දේශගුණික විපර්යාසයන් වෙනුවෙන් අරමුදල් යෙදවීම සඳහා එම ලාභයෙන් 10%ක බද්දක් අය කිරීමට ශ්‍රී ලංකාව යෝජනා කර ඇති බවත් සැසිය අමතමින් ජනාධිපතිවරයා සඳහන් කර තිබේ.
දෙදින නිල සංචාරයක් සඳහා ඉන්දුනීසියාව බලා පිටත්ව ගිය ජනාධිපති රනිල් වික්‍රමසිංහ මහතා බාලි නගරයේ ගුස්ට් නුරා රායි ජාත්‍යන්තර ගුවන්තොටුපොළින් පසුගිය 18 වැනිදා එරටට ළඟාවුණි.
යුක්‍රේනයේ මරණ හා විනාශය සඳහා අරමුදල් සැපයීමට ගෝලීය උතුර කැමැත්තෙන් සිටින නමුත් දේශගුණික විපර්යාස නිසා ඇතිවන මරණ හා විනාශය වළක්වා ගැනීමේ ක්‍රියාමාර්ග සඳහා අරමුදල් සැපයීමට අකමැත්තක් දක්වන බව 10 වැනි ලෝක ජල සමුළුවේ ඉහළ පෙලේ සැසිය අමතමින් අද ජනාධිපති රනිල් වික්‍රමසිංහ මහතා පවසා තිබේ.
සමුළුවට ප්‍රථම ඊට සහභාගී වීමට පැමිණි සියලුම රාජ්‍ය නායකයින් රාත්‍රී භෝජන සංග්‍රහයකට ද එක්වුණි.