ජයිකා ආයතනයේ මූල්‍ය සහාය ඇතිව ක්‍රියාත්මක වූ අනුරාධපුර උතුර ජල සම්පාදන ව්‍යාපෘතියේ පළමු අදියර විවෘත කිරීමේ උත්සවය ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ පැවැත්වුණේ මහකනදරාව ජල පවිත්‍රාගාරයේදීය.
කෙසේවෙතත් ප්‍රදේශවාසීන් පිරිසක් උත්සව භුමිය ඉදිරිපිට විරෝධතාවයක නිරත වුණේ ව්‍යාපෘතිය හේතුවෙන් තම ප්‍රදේශයේ ජල හිඟයක් ඇතිවන බවට චෝදනා කරමිනි.
විරෝධතාවට සහභාගී වූ පිරිස් ඉවත් කිරීමට යාමේදී පොලීසිය සහ විරෝධතාකරුවන් අතර උණුසුම් තත්ත්වයක් හටගත්තේය.
අනතුරුව මෙම ගැටලුව පිළිබඳ ජනාධිපතිවරයා සමග සාකච්ඡා කිරීම සඳහා ගම්වාසීන් පිරිසකට අවස්ථාව හිමිවිය.
විරෝධතාව අතරවාරයේ ජනාධිපතිවරයා විසින් ජල සම්පාදන ව්‍යාපෘතිය විවෘත කළේය.
එහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා,
“සමහර අය ඇවිත් උද්ඝෝෂණය කරලා ගෙදර යනවා. බිරිඳ අහයි ඇයි එහෙම කළේ මං කොහොමද වතුර ගන්නේ කියලා. දෙගොල්ලොන්ටම අපි ප්‍රශ්නය විසඳලා දෙනවා ගොවිතැන් කරන අයට වගේම පානීය ජලයත් ඕනේ වකුගඩු රෝගය වළක්වන්න පානීය ජලය ඕනේ කෘෂිකර්මයට අවශ්‍ය ජලය නැති වෙයි කියලා සමහර අයට සැකයක් එහෙම දෙයක් නොවෙන්න වගබලා ගන්නවා ආර්ථිකය කඩා වැටුණ නිසා මුකුත් කරන්න බැරි වුණා මේක කොහොම හරි අවසන් කළා අපි දැන් ඉඩම්වල අයිතියත් දෙනවා බලපත්‍ර තියෙන ඒවටත් සින්නක්කර අයිතිය දෙනවා කොළඹ තට්ටු නිවාසවලත් අයිතිය දෙනවා වැව්වල විදුලි බලාගාර ඇතිකිරීම ගැන සාකච්ඡා කරනවා අතිරික්තයක් තියෙන නිසා ඉන්දියාවට විකුණන්න පුළුවන් නැත්නම් හරිත ඔක්සිජන්, ඇමෝනියා හදන්න පුළුවන් නව ආර්ථිකයකින් හැමෝටම හොඳ අනාගතයක් ඇති කරනවා”