76 වෙනි නිදහස් දිනයට සමගාමීව “හදමු අලුත් රටක්” යන තේමාව මුල් කර ගනිමින් ප්‍රංශයේ ශ්‍රී ලංකා තානාපති කාර්යාලයේ සංවිධානත්වයෙන් ප්‍රංශයේ ශ්‍රී ලංකා තානාපති මනීෂා ගුණසේකර මහත්මියගේ ප්‍රධානත්වයෙන් හා තානාපති කාර්ය මණ්ඩලයද, සියලුම ආගම් හී පූජ්‍ය පක්ෂයේත්, පැරීසියේ ක්‍රියාශීලී සංවිධානයන් හී නිලධාරීන් ශ්‍රී ලාංකික සිංහල, දෙමළ, මුස්ලිම් බර්ගර් ආරාධිතයන්ගේ සහභාගිත්වයෙන් නිදහස් දින උත්සවයක් පවත්වා ඇත.
සර්ව ආගමික නායකයින්ගේ ආගමික වතාවත් වලින් අනතුරුව පොල්තෙල් පහන දැල්වීම, ජාතික ධජය එසවීම, විරුවන් සැමරීමෙන් පසු ජය මංගල ගාථා හා ජාතික ගී හඬ මැද ඇරඹුනු ජාතික නිදහස් උත්සව සභාවට ශ්‍රී ලංකා ජන රජයේ ජනාධිපති තුමාගේ, අගමැති තුමාගේ, විදේශ ඇමති තුමාගේ නිදහස් දින පනිවුඩයන් ශ්‍රී ලාංකික සියලුම භාෂා වලින් සභාවට ඉදිරිපත් කර ඇත.
අනතුරුව තානාපති තුමියගේ නිදහස් සැමරුම් දේශනයෙන් පසු ශ්‍රීලාංකික අනන්‍යතාවය විදහා දක්වන දේශීය උඩරට නර්තන ඇතුලත්ව අලංකාර සංස්කෘතික නර්ථන ප්‍රසංඟයක්ද පැරීසියේ තානාපති කාර්යාලයේ නිලධාරී මන්ඩලය විසින් ඉදිරිපත් කල දේශාභිමාණීය ගී එකතුවකින් ද නිදහස් සැමරුම් වේදිකාව වර්ණවත් කර ඇත.
මෙම නිදහස් දින උත්සවය සදහා සිංහල, දමිළ, මුස්ලිම්, බර්ගර් ශ්‍රී ලාංකිකයෝ විශාල පිරිසක් සහභාගී වී ඇති අතර උත්සවය අවසානයේ දිවා භෝජන සංග්‍රහායක්ද පවත්වා ඇත.
