ඉලංගෙයි තමිල් අරුසුකච්චි පක්ෂයේ නායකත්වයට පත්වන පුද්ගලයා දෙමළ ජාතික සන්ධානයේ මීළග නායකයා වනු ඇති බව දේශපාලන ආරංචි මාර්ග පවසයි.
දෙමළ ජාතික සන්ධානයේ නායකයා ලෙස කටයුතු කරන අර්. සම්බන්ධන් මහතා පක්ෂ නායකත්වයෙන් සහ දේශපාලනයෙන් සමුගන්නා බවට සිදුකර ඇති ප්රකාශයක් සමග තමිල් අරුසුකච්චි නායකයා සන්ධානයේ නායකයා වනු ඇති බව සඳහන්ය.
කෙසේ වෙතත් තමිල් අරුසුකච්චි නායකත්වයට අයදුම්පත් 03ක් ඉදිරිපත් වීමත් සමග මේ වනවිට කිසියම් ගැටලුකාරී තත්ත්වයක් ඇතිවී ඇති බව වාර්තා වෙයි.
තමිල් අරුසු නායකත්වය සඳහා එම්. ඒ සුමන්තිරන් සහ එස්. ශ්රීධරන් යන මහත්වරුන් නාමයෝජනා භාරදී තිබුණ ද මේ වනවිට නැගෙනහිර පළාත් හිටපු පාර්ලිමේන්තු මන්ත්රී යෝගේෂ්වරන් මහතා ද නාමයෝජනා භාරදී තිබේ.
කෙසේ වෙතත් එළඹෙන ජනවාරි මාසයේ දී වව්නියාවේ දී පැවැත්වෙන පක්ෂ මධ්යම කාරක සභාවේදී නව නායකයා තෝරාපත් කරගැනීමට නියමිතය.
ඉලංගෙයි තමිල් අරුසුකච්චි පක්ෂයේ නායකයා ලෙස කටයුතු කරන මවෙයි සේනාධිරාජා මහතා දේශපාලනයෙන් විශ්රාම යෑමට තීරණය කිරීමත් සමග පක්ෂ නායකත්වයට පුද්ගලයෙකු පත්කර ගැනීම සඳහා තීරණය කෙරුණි.