හලාවත නගරයේ සුපිරි වෙළෙඳ සැළක් තුළදී හිමිනමකට පහරදුන් සැකකරු හලාවත පොලීසිය විසින් අත්අඩංගුවට ගෙන තිබේ.
එලෙස අත්අඩංගුවට ගෙන ඇත්තේ, හලාවත, වුඩ්ලන්ඩ් වත්ත ප්රදේශයේ පදිංචිකරුවෙකි.
පසුගිය 21 වනදා හලාවත නගරයේ පිහිටි සුපිරි වෙළෙඳ සැළකට පැමිණ සිටි හිමිනමක් එහි තිබූ භාණඩ මිලදී ගන්නා අවස්ථාවේ දී මෙම පුද්ගලයා විසින් ඔහුගේ ජංගම දුරකථනයෙන් එම අවස්ථාවේ දර්ශන පටිගත කිරීමට උත්සාහ ගනී.
එයට හිමිනම විරෝධය පළ කිරීමත් සමග අදාළ පුද්ගලයා උන්වහන්සේට පහරදී හිමිනමගේ අතෙහි වූ බෑගයේ යුරෝ 12,000ක් ඇතුළු ලක්ෂ 48ක මුදලක් කොල්ල කා එම ස්ථානයෙන් පළා යන අයුරු CCTV කැමරාවක ද සටහන්ව තිබුණි.
පසුව අදාළ සිදුවීමට මුහුණදුන් හිමිනම විසින් පොලීසියට කළ පැමිණිල්ලක් මත සිදුකළ විමර්ශනයේ දී සැකකරුව අත්අඩංගුවට ගැනීමට හැකිව තිබේ.
අත්අඩංගුවට ගත් අවස්ථාවේ දී සැකකරු සන්තකයේ තිබී ව්යජ ලෙස සකස් කරන ලද යුද හමුදාවේ පුහුණුවීම් ලද බවට වන සහතිකයක්, යුද හමුදා සාමාජිකයින් භාවිතා කරන කැලෑ ඇඳුම් කට්ටලයක්, සෙල්ලම් පිස්තෝල 02ක්ද පොලිස් භාරයට ගෙන ඇත.
සැකකරු හලාවත මහෙස්ත්රාත්වරයා වෙත ඉදිරිපත් කිරීමට නියමිතය.