ස්මාර්ට් රටක් ලෙස ශ්‍රී ලංකාව ගොඩනඟමින් රටේ ආර්ථිකය ඉහළට ඔසවා තැබීම තම අරමුණ බව ජනාධිපති රනිල් වික්‍රමසිංහ මහතා අවධාරණය කළේය.
රටේ ආර්ථිකය ශක්තිමත් කිරීමෙන් අනතුරුව ව්‍යවස්ථාවට අනුවම ලබන වසරේ ජනාධිපතිවරණය පැවැත්වීමට කටයුතු කරන බවත්, ඉන් අනතුරුව පාර්ලිමේන්තු මැතිවරණය ද පවත්වා 2025 මුල් භාගයේදී පළාත් සභා මැතිවරණය ද පැවැත්වීමට හැකි වනු ඇතැයි ජනාධිපතිවරයා සඳහන් කළේය.
ජනාධිපති රනිල් වික්‍රමසිංහ මහතා මේ බව සඳහන් කර සිටියේ ඊයේ (21) පස්වරුවේ කොළඹ සුගතදාස ගෘහස්ථ ක්‍රිඩාංගණයේදී පැවැත්වුණු එක්සත් ජාතික පක්ෂයේ විශේෂ මහා සම්මේලනය අමතමිනි.
එහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා,
“ජුලි 09 මොකක්ද වුණේ. මේ රටේ බලය මාරු වෙන්න ඕනේ ප්‍රජාතන්ත්‍රවාදීව. එක කණ්ඩායමක් නැගලා ජනාධිපති මන්දිරය කඩලා… අරලියගහ මන්දිරය කඩලා.. ඉන්න අවස්ථාවේදී මොකක්ද පක්ෂ නායකයෝ කළේ.”
“අපි සූම් තාක්ෂණය ඔස්සේ මේ ගැන කතා කළා. මොකක්ක කළේ. එක්කෙනෙක් හිටියද මේක නවත්වන්න ලෑස්තියි කියලා. ඒ අය කිව්වා.. මේක ආරක්ෂා කරන්න ඔබතුමා අගමැති කමෙන් අයින් වෙන්න කිව්වා.”
“මෙතන රට ගිනිතියලා. ජනාධිපතිතුමා ජනාධිපති මන්දිරයෙන් පිටවෙලා නැවක ඉන්නේ. මම ගියානම් කොහොමද හොයන්නේ. කොහොමද අලුත් ආණ්ඩුවක් හදන්නේ.”
“මං හමුදාපතිට කිව්වා.. හොඳින් හෝ නරකින් මේක නවත්වන්න කියලා.”
“මං අයින් වෙයි කියලා මගේ ගේ ගිනිතිබ්බා. යූඑන්පී කාරයෝ එහෙම අයින් වෙන්නේ නැහැ.”