කළුතර බන්ධනාගාරයේ රඳවා සිටි සැකකරුවන් වෙත ලබා දීමට රැගෙන ආ කෙසෙල් ඇවරියක් තුළ හෙරොයින් යැයි සැක කළ හැකි මත්ද්‍රව්‍ය හමු වී තිබේ.
ඊයේ (29) සවස 03.15ට පමණ කළුතර බන්ධනාගාරයේ රඳවා සිටි සැකකරුවන් දෙදෙනෙකු බැලීම සඳහා පැමිණි පුද්ගලයකු විසින් සැකකරුවන්ට ලබා දීම සඳහා රැගෙන එන ලද ආහාර, කළුතර බන්ධනාගර අමුත්තන් පෙන්වන ස්ථානයේ රාජකාරියේ නියුතු නිලධාරීන් විසින් සෝදිසියකට ලක් කර ඇත.
එහි දී සැකකරුටන්ට ලබා දීමට රැගෙනවිත් තිබූ කෙසෙල් ඇවරියක කෙසෙල් ගෙඩි තුළ අඟල් 03 සහ 04 ප්‍රමාණයේ බීම බට 16ක මෙම හෙරොයින් සඟවා තිබූ බව වාර්තා වේ.
මෙම තහනම් ද්‍රව්‍ය රැගෙන ආ පුද්ගලයා හා අදාළ මත්ද්‍රව්‍ය ඉදිරි නීතිමය කටයුතු සඳහා කළුතර උතුර පොලීසිය වෙත භාරදීමට කටයුතු කර ඇති අතර, සිදුවීම සම්බන්ධනයෙන් කළුතර බන්ධනාගාරය මඟින් විමර්ශනයක් ආරම්භ කර ඇත.