2024 ගෝලීය අභියෝගයන්ට මුහුණදිය හැකි ශක්තිමත් ජාත්යන්තර සැලැස්මක් වෙනුවෙන් බටහිර රටවල් සහ චීනය අතර මෙන්ම අමෙරිකාව සහ චීනය අතරත් යුරෝපා සංගමය සහ චීනය අතරත් නිර්මාණාත්මක සංවාදයක් අවශ්ය බව ජනාධිපති රනිල් වික්රමසිංහ මහතා පවසයි.
ජනපති ජර්මනියේ බර්ලින් ග්ලෝබල් සමුළුවේ පළමු දින රාජ්ය නායක සංවාදයේ සමාරම්භක දේශනය සිදුකරමින් තවදුරටත් සඳහන් කළේ, එක් තීරයක් එක් මාවතක් වැඩසටහන සමග ශ්රී ලංකාව වැනි රටවල් දෙස අනෙකුත් රටවල් සැකයෙන් බැලීම හේතුවෙන් ගෝලීය දකුණේ ආර්ථික අපේක්ෂාවන්ට බලපෑමක් එල්ල කෙරෙන බවය.
කෙසේවුවද ශ්රී ලංකාව වැනි රටවල් අමෙරිකාව, ඉන්දියාව සහ චීනය වැනි රටවල් සමග කටයුතු කිරීමට පුරුදුවී සිටින බවත් එය තවදුරටත් අලුත් දෙයක් නොවන බවත් ජනාධිපති රනිල් වික්රමසිංහ මහතා ප්රකාශ කර තිබේ.
එහිදී නව තත්ත්වයන්ට මුහුණ දීමට ජාත්යන්තර මූල්ය අරමුදල සතුව ද යාන්ත්රණයක් නොමැති බව වැඩිදුරටත් අදහස් දැක්වූ ජනාධිපතිවරයා ප්රකාශ කර ඇත.
ජාත්යන්තර මූල්ය අරමුදල සමග පැවති සාකච්ඡා නව තත්ත්වයන්ට ගැලපෙන සාකච්ඡා නොවන අතර එය තවදුරටත් පෙර පැවති පැරණි සාකච්ඡා ක්රමය බව ජනාධිපතිවරයා පෙන්වා දෙයි.
ජාත්යන්තර මූල්ය අරමුදල ප්රකාශ කරන ආකාරයට අපි වාසනාවන්ත නම් ඉදිරි වසර කිහිපය තුළ අපට සියයට 3.5ක ආර්ථික වර්ධන වේගයක් ලැබෙනු ඇතැයි විශ්වාස කරන බවද ජනාධිපතිවරයා සඳහන් කර තිබේ.
පවතින අභියෝග ජය ගැනීමේදී ගෝලීය වශයෙන් පවතින සම්බන්ධීකරණය සහ නායකත්වය ප්රමාණවත් නොවන බැවින් ඒ සඳහා අලුත් සැලැස්මක් අවශ්ය බව ජනාධිපති රනිල් වික්රමසිංහ මහතා එහිදී සඳහන් කළ බව ජනාධිපති මාධ්ය අංශය පැවසීය.