ගෙවුණු පැය 24 තුළ වැඩිම වර්ෂාපතනය කොළඹ, ලබුගමින් වාර්තා වූ අතර එය මිලිමීටර් 106.3කි.
මේ අතර දකුණු පළාතට ඇදහැලෙන තද වැසි සමග ගිං ගඟේ සහ නිල්වලා ගඟේ ජල මට්ටම ඉහළ යමින් පවතී.
මාතර දිස්ත්රික්කයේ අකුරැස්ස ඇතුළු තදාසන්න ප්රදේශවලටත් දින දෙකක සිට ඇදහැලෙන තද වැසි හේතුවෙන් පහත් බිම් යටවී නිල්වලා ගඟ පිටාර මට්ටමට පැමිණ ඇතැයි මාතර දිස්ත්රික් ආපදා කළමනාකරණ අංශය පවසයි.
ගාල්ල දිස්ත්රික්කයටත් ඇදහැලෙන වැසි සමග ගිං ගඟේ ජල මට්ටම ඉහළ ගොස් තිබේ.
මේ සමග ගිං ගඟ දෙපස පිහිටි නාවක්කඩ මුල්කඩ, පාතවැලිවිටිය ආදී ප්රදේශවල අතුරු මාර්ග සහ පහත් බිම් ජලයෙන් යටවී තිබූ බව අද දෙරණ වාර්තාකරු පැවසීය.
එමෙන්ම එම ප්රදේශයේ තේ වගාවද ජලයෙන් යට වී තිබුණි.
මේ අතර හම්බන්තොට දිස්ත්රික්කයටත් ඇදහැලෙන වැසි සමග බෙලිඅත්ත සිටිනාමලුව මහවැව වාන් දැමීම ආරම්භ වී තිබේ.
එමෙන්ම අධික වැසි හේතුවෙන් වලස්මුල්ල මහගොඩයාය, වලපුරණ යාය යන කුඹුරු යාය විනාශ වෙමින් පවතින බවට ගොවීන් මැසිවිලි නගයි.
ජලාශ භාර ඉංජිනේරුවරුන් පවසන්නේ, මධ්යම කඳුකරයේ කාසල්රි සහ මවුස්සාකැලේ ජල පෝෂක ප්රදේශවලටත් කඩින් කඩ වර්ෂාව ඇද හැලුණත් එය ජලාශවල ජල මට්ටම ඉහල යාමට තරම් ප්රමාණවත් නොවන බවය.
ජාතික ජල සම්පාදන හා ජලාපවහන මණ්ඩලයද පවසන්නේ ප්රදේශ කිහිපයකට වැසි ඇද හැලුණත් ජනතාවට ජලය සැපයෙන ජල මූලාශ්ර 39ක් තවදුරටත් අවදානම් තත්ත්වයේ පවතින බවය.
මෙලෙස දිවයිනේ කොටසකට වැසි ඇද හැලුණත් තවත් ප්රදේශ රැසකට තවදුරටත් පවතින්නේ වැසි රහිත කාලගුණයකි.