එකිනෙකාට චෝදනා එල්ල කරගනිමින් සිටි සමගි ජනබලවේගයේ සහ එක්සත් ජාතික පක්ෂයේ මන්ත්රිවරු පක්ෂ දෙක සමගි කිරීමේ අභ්යන්තර සාකච්ඡාවල නිරත වෙමින් සිටින බව දේශපාලන ආරංචි මාර්ග පෙන්වා දෙයි.
එක්සත් ජාතික පක්ෂය සහ සමගි ජනබලවේගය ප්රසිද්ධියේම දෙපාර්ශවයටම චෝදනා එල්ල කරගත්ත ද මේ වන විට එම ප්රකාශවල කිසියම් අඩුවීමක් දක්නට ලැබෙන බව දේශපාලන විචාරකයින් පවසයි.
පාර්ශව දෙක එකතු කිරීම සඳහා එක්සත් ජාතික පක්ෂ පාර්ශවය මුලික වී කටයුතු කළ ද මේ වන විට සමගි ජනබලවේග පාර්ශවයේ බොහෝදෙනෙකු ඒ සම්බන්ධයෙන් අදහස් දක්වමින් සිටී.
කෙසේවෙතත් දෙපාර්ශවයේම සිටින සජිත් ප්රේමදාස සහ රනිල් වික්රමසිංහ විරෝධීන් පක්ෂ දෙක එකතු වීම සම්බන්ධයෙන් බියෙන් පසුවන බව ද වාර්තා වේ.
එම නිසා සියලු පාර්ශවයන් අසමගි නොවන ආකාරයෙන් එක්සත් ජාතික පක්ෂය සහ සමගි ජනබලවේගය යළි එක්ව කටයුතු කිරීමට සූදානමින් පසුවන බව සඳහන්ය.
සාම්ප්රදායික එක්සත් ජාතික පක්ෂ ආධාරකරුවන් පක්ෂ දෙක එකතු වීම සම්බන්ධයෙන් මන්ත්රීවරුන් හමුවේ සිය සතුට පළ කර ඇති බව ද වාර්තා වේ.
කෙසේවෙතත් ඉදිරියේ දී පැවැත්වෙන එක්සත් ජාතික පක්ෂයේ සමුළුවේ දී බොහෝ දේශපාලන කාරණා වෙනස් වනු ඇති බව දේශපාලන විචාරකයෝ මත පළ කරති.