ජාතික ජනබලවේගයේ ගම්පහ ආසන සමුළුවට හිටපු දිසාපති සහ අමාත්‍යංශ ලේකම් දූර දැරූ තිලක් හපන්ගම , ටී.එම්. අබේවික්‍රම සහ ධර්මසේන දිසානායක යන මහත්වරු ද එක් වූහ.
ජාතික ජනබලවේගයේ නායක අනුර කුමාර දිසානායක මහතාගේ ප්‍රධානත්වයෙන් ගම්පහ නගර සභා පිටියේදී මෙම සමුළුව පැවැත්විණි. මෙම රැස්වීමට පක්ෂ සාමාජිකයෝ අති විශාල පිරිසක් එක්ව සිටියහ.
මෙහිදී එම පිරිස ඇමතූ එහි නායක අනුරකුමාර දිසානායක මහතා මෙසේ කීය.
තමන්ගේ මුදල් ගනුදෙනුවක් සම්බන්ධයෙන් මේ දිනවල ප්‍රචාරයක් ගෙන යනු ලබනවා. තමන් හෝ තම පක්ෂයේ කිසිවකුත් මෙරට ජනතාවගේ මුදල් සතයක් හෝ සොරකම් කර හෝ නාස්තිකර නැහැ. එසේ සොරකම්කර හෝ නාස්තිකර තිබේ නම් මෙලෙස දේශපාලනය කිරීමට නොහැකියි.
එල්ල කරන මඩ සහ අවලාදවලට නොසැලෙන අතර ඉදිරියේදී මෙවන් දේ තවත් වැඩිවනු ඇති බවත් පැවසීය.
සමුළුව අමතා පාර්ලිමේන්තු මන්ත්‍රී ජාතික ජනබලවේගය ජාතික විධායක සභික විජිත හේරත්, ජාතික විධායක සභික මහින්ද ජයසිංහ, ජයතිලක කම්මැල්ලවීර, මහාචාර්ය වසන්තා සුභසිංහ, දේශක සුජීව සිරිමෙවන් යන මහත්ම මහත්මීහු අදහස් දැක් වූහ.