ඉතාලියේදී සිදුවූ රිය අනතුරකින් ශ්‍රී ලාංකිකයෙකු ජීවිතක්ෂයට පත්ව තිබේ.
මෙලෙස ජීවිතක්ෂයට පත්ව ඇත්තේ 42 හැවිරිදි වියේ පසුවූ දිනේෂ් නාමල් නමැති ශ්‍රී ලාංකිකයෙකි.
නාපෝලි නගරය ආසන්නයේදී අදාළ රථය මාර්ගයෙන් ඉවතට පැන කණුවක ගැටීමෙන් අනතුර සිදුව ඇති බව පවසයි.
අනතුර සිදුවන අවස්ථාවේ රථයේ තිදෙනෙකු ගමන්කර ඇති බවට තොරතුරු අනාවරණය වී තිබේ.
එහිදී රථයේ ඉදිරිපස ගමන්කළ දෙදෙනා airbag ක්‍රියාත්මක වීම හේතුවෙන් දිවිබේරාගැනීමට සමත්ව ඇත.
වැඩිදුරටත් වාර්තා වන්නේ මියගොස් ඇති පුද්ගලයා අනතුර සිදුවන අවස්ථාවේ රථයේ පසුපස අසුනේ ගමන්කර ඇති බවත් ඔහු එම ස්ථානයේදීම ජීවිතක්ෂයට පත්ව ඇති බවත්ය.