1990 වසරේ එල්.ටී.ටී.ඊ සංවිධානය විසින් නැගෙනහිර පළාතේදී ඝාතනයට ලක්වූ පොලිස් භටයන් 600ක් සිහිපත් කරමින් අද ජ්‍යෙෂ්ඨ පොලිස් නිලධාරීන්, විශ්‍රාමික පොලිස් නිලධාරීන් සහ සාමාන්‍ය ජනතාවගේ සහභාගිත්වයෙන් අම්පාරේදී උත්සවයක් පැවැත්විණි.
1990 ජූනි 11 වැනිදා එල්ටීටීඊය විසින් පොලිස් නිලධාරීන් 899 දෙනෙකු පැහැරගත් බවට වාර්තා වන අතර, ඒහිදී ඇතැම් නිළධාරීන් ත්‍රස්ත ග්‍රහණයෙන් පැනගොස් ඇතත් අවශේෂ පොලිස් නිලධාරීන් 600ක් පමන ඝාතනය කර ඇති බව වාර්තා වේ.
එවකට එල්.ටී.ටී.ඊ සංවිධානය විසින් නිරායුධ පොලිස් නිලධාරීන් ඝාතනයට ලක් කරන විට නැගෙනහිර පළාතේ කොටි ප්‍රධානියා ලෙස කරුණා අම්මාන්ය කටයුතු කර තිබුණි.
කෙසේ වෙතත්, විනයාගමූර්ති මුරලිදරන් හෙවත් කරුණා අම්මාන් විසින් එවකට පැවති රජය විසින් පත්කල කොමිසමකට පවසා ඇත්තේ තමන් එවකට යාපනේ සිටි බවත්, කොටි නායක ප්‍රභාකරන් සහ ඔවුනගේ බුද්ධි අංශ ප්‍රධානියා හට දොස් පැවරිය යුතු බවත්ය.
යුද්ධයක අදුරු පැතිකඩ අමතකව ඇති අද ත්‍රස්තවාදය හේතුවෙන් මෙරට ජන ජීවිතය ව්‍යාකුලව පැවති බවට හුදී තත්වයන් සාක්ෂි දරන අතර, අදාල මිලේඡත්වය හමුවේ දිවි දුන් ශ්‍රී ලංකිකයින් ගෞරවාන්විතව සිහි කරමු.
