පාර්ලිමේන්තු මන්ත්‍රී ගජේන්ද්‍ර කුමාර් පොන්නම්බලම් ඇතුළු දෙමළ දේශපාලකයන් කිහිපදෙනෙකු කන්කසන්තුරේ තිස්ස විහාරයට විරෝධය පළ කිරීම සඳහා දෙමළ ජනතාව රැගෙන ගොස් ඇත්තේ ඔවුන්ව රවටා බව මේ වන විට සාක්ෂි සහිතව හෙළිදරව් වී තිබේ.
යාපනය සිවිල් සංවිධාන කේන්ද්‍රයේ කැඳවුම්කරු අරුන් සිද්ධාර්ථ මහතා එම විරෝධතාවට ගිය පුද්ගලයන් හා දුරකථනයෙන් සම්බන්ධවී මේ බව හෙළිදරව් කරගෙන තිබේ.
අරුන් සිද්ධාර්ථ මහතා දුරකථනයෙන් සම්බන්ධකරගත් එක් කාන්තාවක් පවසන්නේ වියළි ආහාර දෙන බව පවසා තමා ඇතුළු 25 දෙනෙකු පමණ බස් රථයකින් රැගෙන ගිය බවත්, මෙම ස්ථානයේ පවත්වන්නේ රැස්වීමක් පමණක් බවත් එම සංවිධායකයන් පවසා ඇති බව.
එහෙත් අදාළ ස්ථානයේ පැවැත්වෙන්නේ උද්ඝෝෂණයක් බව එහි ගිය පසු දැනගත් බවද, ඒ නිසාම බස් රථයෙන් නොබැස සිටි බවද ඇය පවසයි. තවද මොහු විසින් උතුරේ අහිංසක තරුණයන්ව මැලේසියා ඇතුළු රටවලට යවන බවට රවටා මුදල් වංචා කර ඇති බවට ද මොහුට චෝදනා එල්ල වී ඇත.
පාර්ලිමේන්තු මන්ත්‍රි ගජේන්ද්‍ර කුමාර් පොන්නම්බලම් සමග පොලිස් බුද්ධි නිලධාරීන් දෙදෙනකුට පහරදීමට තැත් කරමින් රාජකාරියට බාධා කළ පිරිස අතර උදයන් මාස්ටර් නමැති කොටි සංවිධානය ප්‍රතිසංවිධානය කිරීම හා මිනිස් ජාවාරම් චෝදනා ලද මුහුදු කොටි සාමාජිකයකුද සිට ඇතැයි බුද්ධි අංශ හෙළිකරගෙන ඇත.
මෙවැනි වංචාසහගත ක්‍රියාවන් සහා නීතිවිරෝධි ක්‍රියාවන් තුලින් පැහැදිලි වන්නේ උතුරේ ද්‍රවිඩ ජනතාව ගොනට අන්දවමින් තමන්ගේ දේශපාලන පැවැත්ම තහවුරු කරගරනීමට කටයුතු කරන බවයි. ඒ් අනුව මොහුගේ මෙම ක්‍රියාවන් පිළිබදව නැවත වරක් සොයාබලා උතුරේ ජනතාව විදිහට තීරණයක් ගත යුත්තේ මෙවැනි පුද්ගලයින් උත්තරීතර පාර්ලිමේනතුවට තෝරාපත්කර ගැනීමේදී දෙවරක් නොව සිය දහස් වාරයක් සිතිය යුතු බවයි.