කොළඹ වරාය නැගෙනහිර පර්යන්තයේ දෙවන අදියරේ කටයුතු අද (22) ආරම්භ කර තිබේ.
වරාය අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් එහි මුල්ගල් තැබීම සිදුකෙරුණි.
එහිදී අදහස් දැක්වූ අමාත්‍ය නිමල් සිරිපාල ද සිල්වා මහතා සඳහන් කළේ පර්යන්ත ඉදිකළ පමණින් වරායක් දියුණුවට පත් නොවන බවය.
එමෙන්ම නැගෙනහිර පර්යන්තයේ පළමු අදියරයේ කටයුතු බොහෝ දුරට මෙම වසර අවසන් වනවිට නිමකිරීමට බලාපොරොත්තු වන බව ද අමාත්‍යවරයා සඳහන් කළේය.
එමගින් අනෙකුත් පුද්ගලික පර්යන්ත සමග තරග කර ඉහළ ආදායමක් ඉපැයීමට බලාපොරොත්තු වන බවද නිමල් සිරිපාල ද සිල්වා මහතා වැඩිදුරත් පැවසීය.