මැයි 18 සැමරුම් දිනයට සමගාමීව සියළු ජාතීන් එකමුතුව සිය මියගිය ඥාතීන් සිහිකිරීම සඳහා වූ සැමරුම් උළෙලක් උතුරු පළාත් දමිළ ජනතාවගේ සංවිධානත්වයෙන් කිලිනොච්චිය මහජන ක්‍රීඩාංගනයේදී ඊයේ 18 වන දින පවත්වා ඇත. මේ සඳහා කිලිනොච්චිය මුලතිව් හා යාපනය දිස්ත්‍රික්කයන්හි පදිංචි සිංහල, දෙමළ හා මුස්ලිම් ආදී ජාතීන්ට අයත් බෞද්ධ හින්දු, ක්‍රිස්තියානි ජනතාව සහභාගීවී ඇති බවට වාර්තාවේ .
මෙහිදී පැමිණ සිටින සියලු දෙනා පහන් දල්වා සර්වආගමික වතාවත් සිදුකර ජාති ආගම් භේදයකින් තොරව සිය මියගිය ඤාතීන් සිහි කරන ලදී. එහිදී පැමිණි සිටි අයවලුන් මෙවැනි සැමරුම් උත්සවයක් ජාති භේදයකින් තොරව සංවිධානය කිරීම පිළිබඳව ඔවුන්ගේ ප්‍රසාදය පළකර ඇති අතර, ඒ තුළින් ජාතීන් අතර සංහිඳියාවට විශාල පිටුවහලක් වනු ඇති බව ප්‍රකාශ කර ඇත.
මෙහිදී මාධ්‍ය වෙත අදහස් දක්වමින් මෙම සැමරුම් වැඩසහන සංවිධානය කරන ලද සංවිධායක මණ්ඩල සාමාජිකළයකු ප්‍රකාශකර සිටියේ මෙම වැඩ සටහන හුදෙක් ජාතීන් හා ආගම් අතර සංහිදියාව වර්ධනය කිරීම අරමුණ කරගත් සැමරුම් වැඩසටහනක් බවයි. මේ තුලින් ජාතීන් අතර සැගවී පවතින සහෝදරත්වය නැවත ඔප නැංවීම සිදුකිරීමට හැතිවූ බවත්, මෙම වැඩසටහන සඳහා සියළු ජාතීන්ට අයත් දහසකට අධික පිරිසක් සහභාගීවී සිටීම තුලින් ජනතාව තුල නොනැසී පවතින සහායෝගීතාවයක් පිළිබිඹු වන බවට ප්‍රකාශකරන ලදි. එබැවින් ඉදිරියේදී සියළු ජාතීන් එක්ව මෙවැනි සැමරුම් සංවිධානය කිරීම ජාතීන් අතර විශ්වාසය හා සහයෝගීතාවය වර්ධනය කිරීම සඳහා මහොපකාරී වනු ඇති බවට පවසා ඇත.
මෙම සැමරුම් වැඩසටහනේ විශේෂත්වය වන්නේ කිසිදු දේශපාලන පක්ෂයක සාමාජිකයෙකු සම්බන්ධනොවීමයි. මෙහිදි සංවිධායක මණ්ඩලය විසින් පැමිණ සිටි සියළු දෙනා හට දිවා ආහාරය හා සිහිවටනයක් ලෙස පොල්පැලය බැගින් ලබාදීමට කටයුතු කර ඇති බවට වාර්තාවේ.
