මෙරට නිෂ්පාදිත තිරිඟු පිටි මිලෙහි කිසිදු වෙනසක් සිදුව නොමැති බව කැබිනට් මාධ්‍ය ප්‍රකාශක බන්දුල ගුණවර්ධන මහතා පැවසීය.
අද (09) පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවට එක්වෙමින් ඒ මහතා පවසා සිටියේ, මිල වැඩිව ඇත්තේ ආනයනික තිරිඟු පිටිවල පමණක් බවය.
මෙරට තිරිඟු පිටි නිෂ්පාදකයින්ගෙන් මිල ගණන් සම්බන්ධයෙන් කළ විමසීමකදී ඔවුන් මේ බව සඳහන් කළ බව අමාත්‍යවරයා පැවසුවේය.
ප්‍රශ්නය – පිටිවල රේගු බදු 3%කින් වැඩිවුණා. නමුත් වෙළෙඳපොළේ පිටි මිල රු 10කින් වැඩිවෙනවා. මොකද්ද මේ සූත්‍රය ?
“මේ පිළිබඳ ඉතාම වැරදි සහගත ප්‍රවෘත්තියක් යන බව තමා පිටි නිෂ්පාදනය කරන සමාගම් සඳහන් කළේ. මම අදාළ සමාගම් දෙකෙන්ම ප්‍රධාන නිලධාරීන්ට දුරකථනයෙන් කතා කළා. මට වගකීමෙන් ප්‍රකාශ කරන්න කිව්වා, සත පහකින්වත් පිටි මිල වැඩි කරලා නැති බවත්, අනාගත මාසය 6කට අවශ්‍ය පිටි තොග ඔවුන් සතුව පවතින බවත්, මෙරට නිෂ්පාදනය කරන පිටිවල මිල වැඩිවෙලා නෑ. ආනයනය කරන ඒවා තමා වැඩිවෙලා තියෙන්නේ.”