2023 යල කන්නයේදී වී වගාව සඳහා ගොවීන්ට තමන් කැමති පරිදි යූරියා සහ බණ්ඩි පොහොර මිලදීගැනීමට අවස්ථාව ලබාදීමට තීරණය කර තිබේ.
වී වගාව සඳහා ගොවීන්ට අවශ්‍ය පොහොර ලබාදීමේ වැඩපිළිවෙල යටතේ කෘෂිකර්ම අමාත්‍යාංශය අද (03) දින එම තීරණය ගෙන ඇත.
රජය විසින් පොහොර මිලදීගැනීම සඳහා ගොවීන් වෙත ලබාදෙන සහනාධාර මුදල් තීරණය කළ පරිදිම සියලුම ගොවීන්ට ලබාදීමට කටයුතු යොදා ඇති බව ද කෘෂිකර්ම අමාත්‍යාංශය පවසයි.
ඒ අනුව, ගොවීන්ට හෙක්ටයාර් 01කට රුපියල් 20,000ක් හා හෙක්ටයාර් 02කට රුපියල් 40,000ක් වශයෙන් පොහොර මිලදීගැනීමට සහනාධාර මුදලක් ලබාදීමට කටයුතු යොදා ඇත.
එම නිසා මෙවර යල කන්නයේ යූරියා පොහොර මිලදීගැනීම ගොවි අභිමතය පරිදි සිදුකළ හැකි බව කෘෂිකර්ම අමාත්‍යාංශය සඳහන් කරයි.