පවතින වැසි සහිත කාලගුණය සමග ඩෙංගු රෝගය යළි හිස එසවීමේ අවදානමක් මතුවී තිබේ.
මේ වසරේ ගෙවුණු මාස 04ක කාලය තුළ ඩෙංගු රෝගීන් 29,000ක් වාර්තා වී ඇතැයි මහජන සෞඛ්ය පරීක්ෂකවරුන්ගේ සංගමය පවසයි.
එහි දත්තවලට අනුව එම කාලය තුළ ඩෙංගු වැළඳීමෙන් මිය ගොස් ඇති පුද්ගලයින් ගණන 15කි.
ශ්රී ලංකාවේ දැනට මදුරු වර්ග 140ක් පමණ සිටින අතර ඉන් ඩෙංගු රෝග කාරක වෛරසය සංසරණය කිරීම සඳහා දායක වන්නේ ඊඩිස් ඊජිප්ටයි හා ඊඩිස් ඇල්බොපික්ටස් යන මදුරු විශේෂ දෙකය.
ඩෙංගු වෛරස් කාණ්ඩ 4ක් දැනට සොයාගෙන ඇති අතර ඒවා හැඳින්වෙන්නේ ඩෙංගු වන් (DEN 1), ඩෙංගු ටූ (DEN 2), ඩෙංගු ත්රී (DEN 3) සහ ඩෙංගු ෆෝ (DEN 4) ලෙසිනි.
මේ අතර වසර 12කට පසු ඩෙංගු ත්රී වෛරස් ප්රභේදය මෙරට තුළ පැතිර යමින් පවතින බවට සෞඛ්ය අංශ අනතුරු අඟවයි.
ඔවුන් පෙන්වා දෙන්නේ යම් අයෙකුට උණ වැළඳී දින දෙකක් පවතින්නේ නම් ඩෙංගු රෝගී පරීක්ෂාවක් සිදුකර ගැනීම මගින් එය උග්රවීම වළක්වාගත හැකි බවය.
ඔබගේ ගෙවත්තේ ද ඩෙංගු මදුරු ව්යාප්තිය සිදුවිය හැකි ස්ථාන පිළිබඳ අවධානය යොමුකිරීම අත්යවශ්ය වෙයි.
මේ අතර ඩෙංගු රෝගයේ වර්ධනයක් වාර්තා වන පසුබිමක මී උණ ව්යාප්තියේ වර්ධනයක්ද මේ වනවිට පෙන්නුම් කරයි.
මේ අතර කොවිඩ් මරණයක් පසුගිය (01) සිදුවී ඇතැයි රජයේ ප්රවෘත්ති දෙපාර්තමේන්තුව ඊයේ (02) නිවේදනය කළේය.
එම දෙපාර්තමේන්තුව සඳහන් කරන්නේ සෞඛ්ය සේවා අධ්යක්ෂ ජනරාල්වරයා විසින් ඒ බව තහවුරු කර ඇති බවය.
එසේම තවත් කොවිඩ් ආසාදිතයින් 06 දෙනෙකු ඊයේ හඳුනාගෙන ඇත.
එවන් පසුබිමක සෞඛ්ය අංශ පෙන්වා දෙන්නේ පවතින වාතාවරණය තුළ කොවිඩ් ව්යාප්තිය පිළිබඳවත් ජනතාව විමසිලිමත් වියයුතු බවය.
පසුගිය සතියේ වාර්තා වූ කොවිඩ් ආසාදිතයින් සැලකීමේදී දෛනිකව ආසාදිතයින් 5කට ආසන්න සංඛ්යාවක් හඳුනාගෙන ඇති බව සෞඛ්ය අමාත්යාංශයේ වාර්තාවල සඳහන් වෙයි.
ඒ අනුව මේ දිනවල පවතින ශ්වසන රෝග තත්ත්වයත් සමග මෙම කොවිඩ් රෝගීන් වාර්තාවීම පිළිබඳ සෞඛ්ය අමාත්යාංශය අවදානය යොමුකළ යුතු බව රජයේ වෛද්ය නිලධාරීන්ගේ සංගමය පෙන්වා දෙයි.