අම්බලන්ගොඩ පොලිස් වසමේ හිරේවත්ත ප්‍රදේශයේ දී තියුණු ආයුධයකින් පහරදී පුද්ගලයෙක් ඝාතනය කර තිබේ.
ඊයේ (26) රාත්‍රීයේ පහරදීමෙන් බරපතළ තුවාල ලැබූ පුද්ගලයා බලපිටිය රෝහලට ඇතුළත් කිරීමෙන් අනතුරුව මියගොස් ඇත.
එලෙස මියගොස් ඇත්තේ 42 හැවිරිදි අම්බලන්ගොඩ ප්‍රදේශයේ පදිංචිකරුවෙකි.
මියගිය පුද්ගලයා තවත් පුද්ගලයින් දෙදෙනෙකු සමග හිරේවත්ත වෙරළ ආසන්නයේ මත්පැන් පානය කරමින් සිට ඇත.
එම අවස්ථාවේ දී තවත් පුද්ගලයෙක් එම ස්ථානයට පැමිණ ඇති අතර ඔහු සමග ආරවුලක් ඇතිව තිබේ.
පසුව එම ස්ථානයට පැමිණි පුද්ගලයා විසින් මත්පැන් පානය කරමින් සිටින පුද්ගලයෙකුට පිහියෙන් ඇන ඇති බවට මුලික විමර්ශනවලදී අනාවරණය වී තිබේ.