කාලය දීර්ඝ කරනු ලැබු සුබසාධන ප්‍රතිලාභ සංගණන කටයුතු අදින් (10) අවසන් වීමට නියමිතව තිබේ.
ඊට අදාළ සංගණනය කටයුතු මාර්තු මස 31 දිනෙන් අවසන් වීමට නියමිතව තිබුණ ද එම කාලය අප්‍රේල් මස 10 වනදා දක්වා දීර්ඝ කිරීමට සුබසාධක ප්‍රතිලාභ මණ්ඩලය පසුව තීරණය කර තිබුණි.
“ඇත්තම කියමු – ඇත්තම අයට ප්‍රතිලාභ දෙමු” තේමාව යටතේ සුබසාධක ප්‍රතිලාභ ලැබීම සඳහා සුදුසු පවුල් හඳුනාගැනීමේ වැඩසටහන සඳහා අයදුම්කළ පුද්ගලයින්ගේ තොරතුරු තහවුරු කර ගැනීම වෙනුවෙන් එම සංගණනය ආරම්භ කර තිබේ.
ඒ සඳහා අයදුම්පත් ලක්ෂ 37ක් පමණ ලැබී තිබූ අතර මෙම මස මුල් සතිය වන විට ඉන් 2,458,424ක තොරතුරුවල නිරවද්‍යතාවය සෙවීම අවසන් කර තිබු බව ජනාධිපති මාධ්‍ය අංශය සඳහන් කළේය.
තොරතුරු සංගණනය කර අවසන්වීමෙන් පසු සුදුසුකම්ලාභීන්ගේ නාමලේඛනය සකස් කෙරෙන අතර එය සියලුම ප්‍රාදේශීය ලේකම් කාර්යාල සහ ග්‍රාම නිලධාරී කාර්යාලවල ප්‍රදර්ශනය කිරීමට නියමිතව තිබේ.