එක්ස්ප්‍රස් පර්ල් නෞකාවේ හානි තක්සේරු කිරීම සඳහා නෞකාව අසලට යාමට හෝ තමන්ට ඉඩ ලබානොදුන් බව ඒ සඳහා එක්වූ විශේෂඥ කණ්ඩායම චෝදනා කරයි.
මේ අතර මෙරට සාගර නීති ප්‍රවීණයන් පවසන්නේ නෞකාව සම්බන්ධයෙන් ශ්‍රී ලංකාව තුළ නඩු පැවරීමේ හැකියාව හොඳින්ම තිබියදී සිංගප්පූරුවේ නඩු පැවරීමට ගෙන ඇති තීරණය පිළිබඳ විමතියට පත්වන බවය.
එක්ස්ප්‍රස් පර්ල් නෞකාවෙන් සිදුවූ හානියට අදාළව වන්දිය ලබාගැනීමේ අවස්ථාව මෙරට බලධාරීන්ගේ අදූරදර්ශී ක්‍රියාකලාපය නිසා අහිමිව යෑමේ අවදානමක් ඇතැයි පාර්ශ්ව රැසක් අනතුරු අඟවමින් සිටී.
පරිසරය පිළිබඳ පාර්ලිමේන්තු ආංශික අධීක්ෂණ කාරක සභාවේදී ද මේ පිළිබඳ පසුගියදා අවධානය යොමු වී තිබුණි.
මේ අතර අද දෙරණ ‘බිග් ෆෝකස්’ වැඩසටහන තුළින් ඊයේ (07) මේ පිළිබඳ පුළුල් ලෙස සංවාදයට ලක් කෙරුණි.
එහිදී අදහස් දැක්වූ මුහුදු හා නාවික නීතිය පිළිබඳ විශේෂඥ, නීතිඥ ආචාර්ය ඩෑන් මාලික ගුණසේකර මහතා සඳහන් කළේ,
“මේ සිද්ධිය ගැන ලංකාවේ නඩු දැමීමෙන් තමයි අපිට වැඩි වාසියක් ලබාගන්න පුළුවන් වෙන්නේ. ලංකාවෙදි ලොකු වන්දියක් ලබාගැනීමේ හැකියාව තිබෙනවා.”
“මේ නැව අනතුරට පත්වෙන කොට මාස 03යි වයස. ගෙනියනකොට නේ ගිලුනේ. මට තිබෙන ලොකුම සැකය..නැව කොහොමද ගිලුනේ කියන එක. මේ වගේ මාස 3ක නැවක් එහෙම ලේසියෙන් ගිලෙන්නේ නැහැ.”