හිටපු රාජ්‍ය අමාත්‍ය ප්‍රේමලාල් ජයසේකර මහතා නුවරඑළිය පොලිසිය මගින් අත්අඩංගුවට ගෙන තිබෙනවා.
ඒ් ගිනි අවියක් පෙන්වා පුද්ගලයෙකුට මරණ තර්ජනය කිරීමේ සිද්ධියකට අදාලවයි.
Update – රත්නපුර දිස්ත්‍රික් හිටපු පාර්ලිමෙන්තු මන්ත්‍රී ප්‍රේමලාල් ජයසේකර නුවරඑලියෙදි බලපත්‍රයක් නොමැති පිස්තෝලයක් සමග නුවරඑලිය පොලිසියේ අපරාධ විමර්ෂණ අංශයේ නිළධාරින් සැකපිට අත්අඩංගුවට ගත් බව නුවරඑලිය පොලිසියේ උසස් නිළධාරියෙක් පැවසීය.
ප්‍රේමලාල් ජයසේකර පවුලේ ඥාතීන් සමග නුවරඑලිය ප්‍රදේශයට පැමිණ ඇති බවත්, අවිස්සාවේල්ල ප්‍රදේශයෙන් නුවරඑලියේ සංචාරයක් සදහා පැමිණි පිරිසක් සමග ඇති වුයේ යැයි කියන බහින් බස්වීමක් දුරදිග යෑමේන් පසු ප්‍රේමලාල් ජයසේකර මහතා සිය අතැති පිස්තෝලය පෙන්වා එම පිරිසට තර්ජනය කළ බවට නුවරඑලිය පොලිසියට ලද පැමිණිල්ලක් මත නුවරඑලිය පොලිසියේ අපරාධ විමර්ෂණ අංශයේ ස්ථානාධිපති ප්‍රධාන පොලිස් පරික්ෂක රවීන්ද්‍ර ප්‍රේමලාල් මහතා ඇතුල පොලිස් නිළධාරින් පිරිසක් ප්‍රේමලාල් ජයසේකර මහතාව සැකපිට අත්අඩංගුවට ගෙන ඇත.
ප්‍රේමලාල් ජයසේකර මහතා සතුව තිබි අත්අඩංගුවට ගත් පිස්තෝලයට ආරක්ෂක අමාත්‍යාංශය විසින් නිකුත් කර තිබූ බලපත්‍රය 2025 වසරෙන් කල් ඉකුත් වී ඇති බවත්, සැකකරු නුවරඑලිය මහේස්ත්‍රාත් අධිකරණය වෙත ඉදිරිපත් කරන බව නුවරඑලිය පොලිසියේ එම උසස් නිළධාරියා පැවසීය.