දිවයිනේ ස්ථාන දෙකක දී මනුෂ්ය ඝාතන දෙකක් සිදුව ඇතැයි පොලීසිය පවසයි.
ඊයේ (30) එම ඝාතනය සිදුකර ඇති බව පොලීසිය පවසයි.
පූඩළුඔය, ඩන්සිනන්වත්ත ප්රදේශයේ පදිංචි පුද්ගලයෙකුට පොලුවලින් සහ ගල්වලින් පහරදී ඝාතනය කර තිබේ.
එලෙස මියගොස් ඇත්තේ, ඩන්සිනන්වත්ත, පූඩළුඔය ප්රදේශයේ පදිංචිව සිටි 29 හැවිරිදි තරුණයෙකි.
මරණකරු ඔහුගේ දියණිය, පියා සහ බාල සහෝදරයා සමඟ ඉහත ලිපිනයේ පදිංචිව සිට ඇති බව පොලීසිය පවසයි.
පියා සහ සහෝදරයා සමඟ ඇති කරගත් ආරවුලකදී ඔවුන් දෙදෙනා විසින් පොලුවලින් සහ ගල්වලින් පහරදී මෙම ඝාතනය සිදුකර ඇති බවට දැනට සිදුකරන ලද විමර්ශනයේදී අනාවරණය වී ඇත.
මෙම අපරාධයට සම්බන්ධ අවුරුදු 46ක් සහ 18ක් වන පියාව සහ පුතාව අත්අඩංගුවට ගෙන ඇති අතර පූඩළුඔය පොලීසිය වැඩිදුර විමර්ශන සිදුකරනු ලබයි.
මේ අතර මදුරන්කුලිය පොලිස් වසමේ කඩයාමට්ට ප්රදේශයේ පදිංචි පුද්ගලයෙකුට තියුණු ආයුධයකින් පහරදී ඝාතනය කර තිබේ.
එලෙස මියගොස් ඇත්තේ, කඩයාමට්ට, මදුරන්කුලිය ප්රදේශයේ පදිංචිව සිටි 55 හැවිරිදි පුද්ගලයෙකි.
මරණකරු ඔහුගේ වැඩිමහල් සහෝදරියගේ පුතා ඇතුළු පිරිසක් සමඟ ඇති කරගත් ආරවුලකදී සහෝදරියගේ පුතා විසින් තියුණු ආයුධයකින් පහරදී මෙම ඝාතනය සිදුකර ඇති බවට දැනට සිදුකරන ලද විමර්ශනයේදී අනාවරණය වී ඇත.
අපරාධයට සම්බන්ධ වයස අවුරුදු 38ක් වන සැකකරු අත්අඩංගුවට ගෙන ඇති අතර මදුරන්කුලිය පොලීසිය වැඩිදුර විමර්ශන සිදුකරයි.