නිකරුනේ මග රැඳී නොසිට අද උදෑසනම ඡන්ද පොළට ගොස් ඡන්දය පාවිච්චි කර නිවෙස් වෙත යන ලෙස මැතිවරණ කොමිෂන් සභාවේ සභාපති ආර්. එම්. ඒ. එල්. රත්නායක මහතා ඡන්ද දායකයන්ගෙන් ඉල්ලා සිටී.
ඡන්ද පොළ ආරක්ෂාව සඳහා ක්රියාමාර්ග රැසක් ගෙන ඇති බවත් ඡන්ද ප්රකාශ කිරීමට බාධාවන ක්රියාවන් සිදු වුවහොත් අදාළ ඡන්ද පොළ ප්රතිඵල ශූන්ය කරන බවත් රත්නායක මහතා සඳහන් කරයි.
ඡන්ද පොළ සිට අවට මීටර 500ක් ඇතුළත අපේක්ෂකයන් හෝ පක්ෂ ප්රවර්ධනය වන ආකාරයේ ක්රියාවන් සිදු කරන තැනැත්තන් පොලිසිය විසින් අත්අඩංගුවට ගන්නා බවද නීතිය හා සාමය ආරක්ෂා කිරීමට සැමගේ සහාය අවශ්ය බවද හෙතෙම කීය.
පුළුල් තිර යොදාගෙන හෝ විශාල රූපවාහිනී යන්ත්ර භාවිතා කර පොදු ස්ථානවල රතිඤ්ඤා පත්තු කරමින් ප්රතිඵල නැරඹීම තහනම් බවද අයුතු ජනරාශි යටතේ ඔවුනට එරෙහිව ක්රියාමාර්ග ගත හැකි බවද සභාපතිවරයා සඳහන් කරයි.
එමෙන්ම කටකතා හෝ සමාජ මාධ්ය තොරතුරුවලට නොරැවටී මැතිවරණ කොමිසම නිකුත් කරන නිල ප්රතිඵල හෝ නිවේදන පිළිබඳව පමණක් විශ්වාසය තබන ලෙසද ඔහු ජනතාවගෙන් ඉල්ලා සිටී.