තණමල්විල ප්රදේශයේ පාසලක ඉගෙනුම ලැබූ පාසල් සිසුවියක් දූෂණය කිරීමේ සිද්ධියට සම්බන්ධයෙන් අත්අඩංගුවට ගත් පිරිස ඊයේ 12) දින වැල්ලවාය මහෙස්ත්රාත් අධිකරණයට ඉදිරිපත් කිරීමෙන් පසු සැකකාර සිසුන් 17 දෙනාගෙන් 14දෙනෙකු බන්ධනාගාර නිලධාරීන් මඟින් පරිවාස භාරයට පත්කරන ලෙස නියෝග කර තිබේ.
ඊට අමතරව තවත් සිසුන් තිදෙනෙකු සහ ඔවුන්ට ආධාර අනුබල දුන් කාන්තාව ද අගෝස්තු 22 වැනිදා දක්වා රක්ෂිත බන්ධනාගාර ගත කිරීමට මහෙස්ත්රාත්වරයා නියෝග කළේය.
තණමල්විල ප්රදේශයේ ප්රධාන පාසලක 11ශ්රේණියේ ඉගෙනුම සිසුවියක් එම පාසලේම සිසුවෙක් සමග ප්රේම සම්බන්ධයක් පවත්වාගෙන ගොස් තිබේ.
එම සිසුවා, මෙම දැරිය මිතුරෙකුගේ නිවසකට රැගෙන ගොස් එහිදී පළමුවරට ඇය දූෂණය කළ බව වාර්තා වේ.
පසුව එම නිවෙසේ සිටි තවත් සිසු පිරිසක් මෙම දැරිය දූෂණය කර එය වීඩියෝගත කර ඇතැයි හෙළිවූ බව පොලීසිය පවසයි.
සැකකාර සිසුන් එම වීඩියෝව දැරියට පෙන්වා බිය ගන්වමින් 2023 වසරේ සිට අවස්ථා 7කදී ඇයව සමූහ දූෂණයට ලක් කර ඇති බව වාර්තා වේ.
ඒ සඳහා සම්බන්ධ වී ඇති එම පාසලේ සිසුන් ගණන 17 කි.
එහි ආසන්නතම සිදුවීම පසුගිය දිනක සිදුව තිබුණේ කිරිඳිඔය අසලදීය.
එහිදී සිසුන් 7 දෙනක් මෙම දැරිය ඔය අසලට රැගෙන ගොස් සමූහ ලෙස දූෂණය කර එයද වීඩියෝගත කර තිබේ.
මෙම සිදුවීම පාසලේ විදුහල්පතිවරයා ඇතුළු විනය කමිටුවටද අනාවරණ වී ඇති අතර ඔවුන් මෙම සිසුවිය හා එම සිසුන්ද ගෙන්වා කරුණු විමසා සිද්ධිය යටපත් කර ඇති බව පොලීසිය පවසයි.
ඒ පාසලට කැළලක් විය හැකියැයි බව පවසමිනි.
තණමල්විල කලාපයේම ගුරු උපදේශකවරයෙකුගේ පුත්රයෙක්ද සැකකරුවන් අතර සිටින අතර එම සිසුවාගේ මවද පාසැල් ගුරුවරියකි.
තමාට සිදුවූ මෙම අපරාධය සහ හිංසන සිසුන්ගේ තර්ජන මැද සිසුවිය කිසිවකුටත් පවසා නැතත් ඇය එම මානසික පීඩනය පිළිබඳ සිය නිවසේ බිත්තිවල විවිධ චිත්ර සටහන් ඇද තිබුණි.
මේ අතර මෙම සිදුවීම පිළිබඳ තොරතුරක් ලද තණමල්විල පොලිස් ස්ථානාධිපතිවරයා මේ ගැන විමර්ශනයක් අරඹා තිබේ.
දැරිය පවසා ඇත්තේ, එම සිසුන් පාසලේ වැසිකිළි තුළ හා ක්රීඩා විවේකාගාර තුළදීත්, සිසුන්ගේ නිවෙස් තුළදීත් මත්පැන් පොවා තමා දූෂණය කළ බවය.
පාසලේ විදුහල්පතිවරයා ඇතුළු පිරිසකගෙන් ප්රකාශ සටහන් කරගත් පොලීසිය සැකකාර සිසුන් 17දෙනා සහ මීට අනුබල දුන් කාන්තාවක්ද ඊයේ අත්අඩංගුවට ගත්තේය.
ඔවුන් වැල්ලවාය මහෙස්ත්රාත් අධිකරණයට අද ඉදිරිපත් කෙරුණි.
මේ අතර අපයෝජනය වූ දැරිය වෛද්ය පරීක්ෂණයක් සඳහා හම්බන්තොට මහ රෝහලට ඇතුළත් කළ අවස්ථාවේ එහි වෛද්යවරයෙක් දැරිය තවදුරටත් පීඩාවට පත් කළ බවට ඇගේ මව චෝදනා කළාය.
ඒ අනුව දැරියගේ මව මේ සම්බන්ධයෙන් හම්බන්තොට පොලීසියට සහ ජාතික ළමා ආරක්ෂක අධිකාරියට පැමිණිලි කර තිබේ.