පාසල් දරුවන්ගේ ආරක්ෂාව වෙනුවෙන් ඉදිකළ උමං මාර්ගයක් වසර ගණනාවක් තිස්සේ විවෘත නොකිරීම හේතුවෙන් පාසල් සිසුන්ට ජීවිත අවදානමක්ද සහිතව මාර්ගයක් හරහා ගමන් කිරීමට සිදුවීමේ පුවතක් මහනුවරින් වාර්තා වුණි.
මේ මහනුවර තැන්නේකුඹුර මාර්ගයේ මහනුවර ධර්මරාජ විදුහල සහ ඩි එස් සේනානායක විදුහල් ඉදිරිපිට ඉදිකර ඇති ඇති උමං මාර්ගයයි.
සිසුන්ට ආරක්ෂිතව පාර මාරුවීම සඳහා මෙම උමං මාර්ගය ඉදිකර තිබේ.
නමුත්, එහි ඉදිකිරීම් අවසන් වී වසර කිහිපයක් ගතවී ඇතත් මේ වන තෙත් එය භාවිතා කිරීමට ඉඩසලසා නොමැති බවට ජනතාව චෝදනවා කරයි.
“මේක ඉවර කරලා අවුරුදු තුනක් විතර වෙනවා. මෙතෙන අනතුරකුත් වුණා. ඒ වුණෙත් හරියටම කහ ඉරේ. තාම කිසිම කෙනෙක් විකල්පයක් දීලා නෑ.”
මීට පෙර අවස්ථා කිපයකදි මෙම ස්ථානයේ රිය අනතුරු ද සිදුවී
තිබිණි.
ඒ හේතුවෙන් පාසල් දරුවන්ගේ මව්පියන් ඇතුළු ජනතාව අදාළ බලධාරීන්ගෙන් ඉල්ලා තවත් අනතුරක් සිදුවීමට පෙර උමං මාර්ගය විවෘත කර දෙන ලෙසයි.
“සෑහෙන කාලයක් වෙනවා වැඩ ඉවර කරලා. මොකට තියාගෙන ඉන්නවද කියලා මට නම් තේරෙන්නේ නෑ.”
“පාර හරහා පනිද්දි ළමයින්ට අනතුරු වෙන්න පුළුවන්. ළමයින්ගේ ආරක්ෂාවට මේක විවෘත කරනවා නම් ගොඩක් හොඳයි..”