ආදුරුප්පුවීදිය පොලිසිය තුළදී සැකකරුවන් දෙදෙනෙකුට වස ලබාදීම සම්බන්ධයෙන් කොළඹ අපරාධ කොට්ඨාසයේ සංවිධානාත්මක අපරාධ විමර්ශන අංශය මගින් සැකකරුවන් තිදෙනෙකු අත්අඩංගුවට ගෙන තිබේ.
ඔවුන් තිදෙනාගෙන් අයෙක් වස අඩංගු කෑම පාර්සලය හුවමාරු කළ අයෙක් වන අතර අනෙක් දෙදෙනා වස පොලිසිය තුළට රැගෙන ගිය පුද්ගලයාට ප්රවාහන පහසුකම් සැලසූ දෙදෙනෙකි.
සිද්ධිය සිදු වූ පසුගිය ජනවාරී 24 වනදා මෙම රෝස පැහැටි ටී ෂර්ටයෙන් සැරසී සිටින පුද්ගලයා විසින් වස මිශ්ර ආහාර පාර්සලය මෙම පුද්ගලයාට ලබාදෙන්නේ හෙට්ටිවීදිය ප්රදේශයේ පිහිටි ආපන ශාලවක් අසලදීය.
අනතුරුව ඔහු එය රැගෙන කොටහේන ප්රදේශයට පැමිණෙන අයුරුද CCTV කැමරාවල පටිගතව ඇත.
පසුව එම පුද්ගයා අදාළ කෑම පාර්සලය ජම්පටා පටුමගේ පිහිටි කෝවිල අසළදී පොලීසිය තුළට රැගෙන ගිය පුද්ගලයාට ලබාදී තිබේ.
අනතුරුව ප්රධාන සැකකරු විසින් ඔරුගොඩවත්ත ලූකස් ප්රදේශයට ගොස් සිය මිතුරන් දෙදෙනෙකු සමග පැමිණ 143 බස් රථයකට ගොඩවන අයුරුද CCTV කැමරාවක සටහන්ව තිබුණි.
පොලිසිය පැවසුවේ මෙම සියලු ක්රියාවක් විදෙස්ගතව සැඟව සිටින කුඩු සෙල්විගේ පුත්රයෙකු වන පලනි රිමෝෂන් විසින් මෙහෙයවා ඇති බවය.
ඒ අනුව ප්රධාන සැකකරුට එම කෑම පාර්සලය ලබාදුන් පුද්ගලයාව හා ඔහුට පලායෑමට උදව්කළ පුද්ගලයන් දෙදෙනාව පොලීසිය අත්අඩංගුවට ගෙන තිබේ
එමෙන්ම ඔවුන්ට කිසිදු මුදලක් ලබාදී නොමැති අතර මෙය සිදුකළ පුද්ගලයාට රුපියල් 5000ක මුදලක් පමණක් ලබාදී ඇති බවද පොලීසිය අනාවරණ කරගෙන තිබේ.
සැකකරුවන්ව කොළඹ අපරාධ කොට්ඨාසය අද ආදුරුප්පුවීදිය පොලිසිය වෙත භාරදී තිබේ.