පළාත් පාලන ආයතනවල අනියම් ආදේශක සහ කොන්ත්රාත් පදනම මත සේවය කරන කම්කරුවන් සියලු දෙනා ස්ථීර කිරීමට පියවර ගන්නා බව පළාත් සභා හා පළාත් පාලන රාජ්ය අමාත්ය ජානක වක්කුඹුර මහතා පවසයි.
රාජ්ය අමාත්යවරයා පෙන්වා දෙන්නේ, මේ වනවිට දිවයින පුරා පළාත් පාලන ආයතනවල එවැනි කම්කරුවන් 8,000ක් පමණ සිටින බවයි.
එම කම්කරුවන් ස්ථීර කිරීම සම්බන්ධයෙන් වූ යෝජනාවක් අග්රාමාත්ය දිනේෂ් ගුණවර්ධන මහතා විසින් කැබිනට් මණ්ඩලයට ඉදිරිපත් කිරීමට නියමිත ව තිබේ.
අදාළ යෝජනාවට කැබිනට් අනුමැතිය ලැබීමෙන් අනතුරුව පළාත් පාලන ආයතනවල සේවය කරන අනියම්, ආදේශක සහ කොන්ත්රාත් පදනම මත සේවය කරන කම්කරුවන් ස්ථීර කිරීමට පියවර ගන්නා බව රාජ්ය අමාත්ය ජානක වක්කුඹුර මහතා සඳහන් කළේය.
මේ අතර, රාජ්ය නිලධාරීන්ට එරෙහිව ඉදිරිපත් වන පැමිණිලි විමර්ශන කටයුතු විනිවිදභාවයකින් කඩිනමින් අවසන් කරන ලෙස ස්වදේශ කටයුතු රාජ්ය අමාත්ය අශෝක ප්රියන්ත මහතා විමර්ශන අංශයේ නිලධාරීන්ට උපදෙස් ලබා දී තිබේ.
කිසිදු බලපෑමකට යටත් නොවී අදාළ විමර්ශන කටයුතු සිදු කරන ලෙස ස්වදේශ කටයුතු රාජ්ය අමාත්යංශයේ විමර්ශන ඒකකයේ නිලධාරීන්ට රාජ්ය අමාත්යවරයා උපදෙස් ලබා දී ඇත.
රාජ්ය අමාත්යාංශයේ ප්රගති සමාලෝචන රැස්වීමකට එක්වෙමින් ස්වදේශ කටයුතු රාජ්ය අමාත්ය අශෝක ප්රියන්ත මහතා එම උපදෙස් ලබා දී තිබේ.