පවතින වියළි කාලගුණ තත්ත්වය හේතුවෙන් දිවයින පුරා පීඩාවට පත්ව සිටින පුද්ගලයන් සංඛ්යාව 190,000ට ආසන්න වී ඇති බව ආපදා කළමනාකරණ මධ්යස්ථානය නිවේදනය කරයි.
එම මධ්යස්ථානය පෙන්වා දෙන්නේ, විශේෂයෙන් වියළි කාලගුණයෙන් ඇතිවූ පානීය ජල හිඟයට දිස්ත්රික් 15ක, ප්රාදේශීය ලේකම් කොට්ඨාස 52ක ජනතාවට මුහුණ දීමට සිදු ව ඇති බවයි.
ඒ අනුව එම ප්රදේශවල පවුල් 54,979කට අයත් පුද්ගලයන් 183,038 දෙනෙකු පීඩාවට පත් ව තිබේ.
උතුර පළාතේ පමණක් පුද්ගලයන් 75,287 දෙනෙකු පීඩාවට පත් ව ඇති අතර, ඉන් 70,238 දෙනෙකුම යාපනය දිස්ත්රික්කයේ පදිංචිකරුවන් බව ආපදා කළමනාකරණ මධ්යස්ථානය පවසයි.
මේ අතර, පානීය ජල හිඟයෙන් බලපෑම් එල්ල වූ පවුල් 52,400ක පිරිසක් සඳහා පානීය ජලය සැපයීමේ කටයුතු සිදුකර ඇති බව අද (17) පැවති මාධ්ය හමුවක දී ආපදා කළමනාකරණ මධ්යස්ථානයේ අධ්යක්ෂ විශ්රාමික මේජර් ජනරාල් සුදන්ත රණසිංහ මහතා පැවසීය.