රට තුළ දැඩි ආන්දෝලනයක් ඇති කළ උඩවලව ජල ගැටලුව අවසන් කරමින් සමනල වැව ජලාශයෙන් උඩවලව ජලාශය වෙත ජලය මුදාහැරීම අද (08) අලුයම 03 ට පමණ ආරම්භ කෙරුණි.
විදුලි බල රාජ්ය අමාත්ය ඩී. වී චානක මහතා පැවසුවේ දිනකට කියුබික් මීටර් මිලියන3.5 බැගින් ජලය මුදාහැරීමට නියමිත බවය.
දිවයිනට බලපා ඇති වියළි කාලගුණික තත්ත්වයත් සමග උඩවලව ජලාශය සිදීයෑමෙන් මහවැලි වලව කලාපයේ ගොවීන් දැඩි අපහසුතාවයකට පත්වී සිටි පසුබිමක කැබිනට් මණ්ඩලය ඊයේ තීන්දු කළේ සමනල වැවෙන් යම් ජල ප්රමාණයක් උඩවලව ජලාශයට මුදාහැරීමටය.
ඒ අනුව අද හෙට සහ අනිද්දා යන දින තුනේදී දිනකට ඝන මීටර් මිලියන 3.5 බැගින් ජලය නිකුත් කිරීම සිදුවන අතර එමගින් දිනකට විදුලිය ඒකක ගිගා වොට් පැය 2.1 බැගින් නිපදවනු ලබයි.
ඉන් පසුව 11 වනදා සිට 15 වනදා දක්වා දින පහේදී දිනකට ඝන මීටර් මිලියන 2.5 බැගින් ජලය නිකුත් කෙරෙන්නේ දිනකට විදුලිය ඒකක ගිගා වොට් පැය 1.5 බැගින් ජනිත කරමිනි.
විදුලි නිෂ්පාදනයෙන් පසුව මුදාහැරෙන ජලයට අමතරව සමනල වැව ජලාශයේ පවතින ජල කාන්දුවෙන් තවත් ජල ප්රමාණයක් සමනල වැව වේල්ල අසලින් කුඔල්ගම ප්රදේශයෙන් වලවේ ගඟට එක්වෙයි.
මෙලෙස සමනල වැවෙන් නිකුත් කරන ජලය වලවේ ගඟ ඔස්සේ ගලා ගොස් අද පස්වරුව වන විට උඩවලව ජලාශයට එක්වී ඇති අතර එම ප්රමාණය අක්කර අඩි 600ක් බව මහවැලි අධිකාරිය පැවසීය.
මහවැලි නියෝජ්ය නේවාසික ව්යාපාර කළමණාකාර (තාක්ෂණ සේවා) තිලක් රණසිංහ මහතා,
“ලැබිච්ච වතුර ටිකෙන් උපරිම ප්රයෝජන ගමු. නැත්තම් මේක අපරාධයක්. සමනල වැවටත් නැහැ. අපිටත් නැහැ.”