කටුවන රුක්මල්පිටිය ප්රදේශයේදී යතුරුපැදියක් අනතුරට ලක්වීමෙන් පිය පුතු දෙදෙනකු මිය ගිය බව කටුවන පොලීසිය පවසයි.
අනතුරෙන් මිය ගොස් ඇත්තේ දික්වැල්ල පොලීසියට අනුයක්තුව සේවය කරනු ලැබූ 27 වැනි වියේ පසු වූ විජයමුණිගේ ක්රිෂාන් ජයලත් හා ඔහු ගේ පියා වන 61 වැනි වියේ පසු වූ විජයමුනිගේ ධර්මසේන යන අයයි. මිය ගිය පිය පුතු දෙදෙනා වීරකැටිය අබකොළවැව ප්රදේශයේ පදිංචි කරුවන්ය.
අබකොළවැවේ සිට ඌරුබොක්ක ප්රදේශයට ගොස් නැවත පැමිණෙමින් සිටියදී මෙම අනතුරට මුහුණ දි තිබේ. පොලීසිය පවසන්නේ ඔවුන් දෙදෙනා පැමිණි යතුරු පැදියේ තිරිංග වල දෝෂයක් ඇති වීමෙන් මාර්ගයේ අසල තිබූ ගසක වැදීමෙන් මෙම අනතුර සිදුව ඇති බවට සැක කෙරෙන බවයි.
අනතුරෙන් තුවාල ලැබූවන් කටුවන හා ඇඹිලිපිටිය රෝහල් වලට ඇතුළත් කළද ඔවුන් මිය ගොස් තිබුණු බව පොලීසිය කියයි.