විශ්වවිද්යාල මහාචාර්යවරයෙකුට පහරදීම අනාගතය පිළිබඳ අසුබ ලකුණක් බව පේරාදෙණිය විශ්වවිද්යාලයේ සිසුන් පිරිසක් සමග ඇතිවූ මතභේදාත්මක තත්ත්යක් අතරතුර පහරකෑමට ලක්වූ හිටපු උපකුලපති භූ විද්යා ජ්යෙෂ්ඨ මහාචාර්ය අතුල සේනාරත්න මහතා පවසයි.
පහරදීමෙන් තුවාල ලැබු මහාචාර්යවරයා සහ ඔහුගේ පුත්රයා ප්රතිකාර ලබා යළි නිවසට පැමිණීමෙන් අනතුරුව මාධ්යට අදහස් දක්වමින් මේ බව කියා සිටියේය.
“විශ්වවිද්යාල මහාචාර්යවරයෙකුට පහරදෙනවා කියන්නේ ඇත්තටම අනාගතය ගැන අසුබ ලකුණක් මොකද ඉදිරියේදී විශ්වවිද්යාල සිසුන්ගේ පිරිහීම.. මම අවුරුදු 43ක් විශ්වවිද්යාල සේවය කරලා මම මේ මාසයේ විශ්රාම යනවා. විශ්රාම යන මාසේ මේක සිද්ධවීම මට හරි කනගාටුයි. ඇඟට වැදුණු මේ වේදනාවට වඩා හිතට හරි වේදනයි. මොකද මේහෙම දෙයක් මෙච්චර කාලයකට මට වුණේ නැහැ. මේකට හේතුව ශිෂ්යයින්ගේ පිරිහීමයි. අන්ත වාමාංශික දේශපාලනය එක්ක ළමයි ගැටගැහිලා. මේ ළමයි හැමදේම හිතන්නේ ඒ ගොල්ලෝ හරි කියලා. කරන්නේම විනාශකාරී වැඩ. ඉතින් ඉදිරියේදී අපේ ආචාර්යවරුන්ගේ අනාගතය භයානක තත්ත්වයක තියෙනවා කියලා මට කියන්න පුළුවන්. මේ ශිෂ්යයින් නෙවෙයි අපරාධකරුවන්. මුළු විශ්වවිද්යාලයම පාලනය කරන්නේ මේ අපරාධකරුවන්. ඒ නිසා මම ඉල්ලා සිටිනවා බලධාරීන්ගෙන් විශ්වවිද්යාලවල ඒ නීති ක්රියාත්මක කරලා. ඔවුන්ගෙන් මේ විශ්වවිද්යාල අපට ගලවලා දෙන්න අනාගත පරම්පරාව වෙනුවෙන්.”