වර්තමාන ආණ්ඩුවට මැතිවරණවලට මුහුණ දීමට නොහැති තත්වයක් ඇති වී තිබෙන නිසා මන්ත්රීවරයෙක් ඉදිරිපත් කළ පෞද්ගලික පනතක් යොදාගනිමින් පළාත් පාලන මැතිවරණය කල්දැමීමේ උත්සහයක් ඇති බවත් නිසිපරිදි නිසිකාලයට ඡන්ද පැවැත්වීමට රජයට නියෝග කරන ලෙස ආයාචනයක් ශ්රේෂ්ඨාධිකරණයට ඉදිරිපත් කිරීමට බලාපොරොත්තු වන බවත් හිටපු අමාත්ය පාර්ලිමේන්තු මන්ත්රී මහාචාර්ය ජී. එල්. පීරිස් මහතා ඊයේ (29) පැවසීය.
ප්රේමනාත් සී. දොලවත්ත මන්ත්රීතුමා තරුණ නියෝජනය වැඩි කිරීමේ අරමුණ ඇතිව පෞද්ගලික මන්ත්රී පනතක් ඉදිරිපත් කළ බවත් ඉමිතියාස් බාකීර් මාකර් මන්ත්රීතුමා ඊට මාස හතරකට පෙර එවැනිම පෞද්ගලික මන්ත්රී යෝජනාවක් ඉදිරිපත් කර තිබුණ ද පාර්ල්මේන්තු සම්ප්රදායට පිටින් ගොස් පසුව ගෙනා පනත විවාදයට ගැනීමට සූදානම් වන බවත් මහාචාර්යවරයා කීය.
පාර්ලිමේන්තුවේ සාමාන්ය සම්ප්රදාය පෙර ඉදිරිපත් කළ පනත විවාදයට ගැනීම බව කී ජී. එල්. පීරිස් මහතා කූට උපක්රමයක් ලෙස ඉමිතියාස් බාකීර් මාකර් මන්ත්රීතුමා පනත යට ගහලා ප්රේමනාත් දොලවත්ත මන්ත්රීතුමාගේ පනත ඉදිරියට ගෙනත් ඇති බව ද සඳහන් කළේය.
වර්තමාන ආණ්ඩුව මැතිවරණවලට, ජනතාවට සහ ජනමාධ්යයට බිය කිසිඳු සුජාතභාවයක් නැති ආණ්ඩුවක් බවත් සියලුම මානව හිමිකම්වල උල්පත වන සර්වජන ඡන්ද බලය ආරක්ෂා කිරීමට විරුද්ධ පක්ෂය නියෝජනය කරන සියලුම දෙනා එකතු කටයුතු කරන බවත් ඒ මහතා කීය.
ජනමාධ්යවලට නිදසේ කාර්ය කිරීමට අවස්ථාව නැති සමාජයක් ප්රජාතන්ත්රවාදී සමාජයක් යැයි පිළිගත නොහැකි මෙන්ම මෙම තත්වය මත ජී.එස්.පී. ප්ලස් වැනි පහසුකම් තව දුරටත් ලැබේද යන්න සැක සහිත බව කී මහාචාර්ය ජී. එල්. පීරිස් මහතා පැවසුවේ තාක්ෂණික විමර්ශවලට අනුව සමස්ත රටේම රජයට තිබෙන සහයෝගය සියයට 10 කටත් වඩා අඩුවීම නිසා මැතිවරණ භිතිකාවක් ඇති බවත්ය.
අයවැය ලේඛණය ඉදිරිපත් කිරීමට පෙර සහ පසු කරන්න තියෙන සියලු දේවල් කර ඇති නිසා අයවැය ලේඛණයේ ප්රායෝගික ප්රයෝජනයක් නොමැති බවත් ඒ අතර ජල ගාස්තු සහ විදුලි ගාස්තු නැවත වැඩි කිරීමට ද යෝජනා කරන බවත් ඒ මහතා වැඩි දුරටත් කීය.
‘නිදහස ජනතා සභාව’ කොළඹදී අද (29) පැවැත්වූ මාධ්ය හමුවේදී හිටපු අමාත්ය පාර්ලිමේන්තු මන්ත්රී මහාචාර්ය ජී. එල්. පීරිස් මහතා එසේ පැවසීය.